بعضاً من شعر مدح، قصائد مدح نعرضها لكم اليوم، والتي يمكن الاستعانة بها في بعض الحفلات والمناسبات الهامة. وجميعها من عهد قديم فكان له أسلوب ورقي من حيث الكتابة لا يمكن لأحد أن يشابههم أحد فيه. ومن خلال مقالنا اليوم على برونزية سوف نعرض بعضهم، فقط كونوا معنا.
محتويات المقال
اخـتــار سـمـحـات الـــدروب النّظـيـفـة
اللـي غسلهـا رايــح الـمـزن بـرشّـاش
مشّونهـا قـوم النّفـوس الشّريـفـة اللي
ضمايرهـم نقيّـة كمـا الشّـاش
بيوتهـم مثـل الحصـون المنيـفـة
ما هي لطير البوم غيران أعشـاش
وحلالهـم للضيّـف دايـم مريـفـه
لو رجلهم يسرح ويضوي على مـاش
والرّجـل منهـم مـا يخلـي رديفـه
إن ما ت مثله مات وإن عاش له عاش
وإن مات منهم رجـل عقـب خليفـة
يطعن نحور القـوم ويـرد الأدبـاش
يعرف هدف روحه ويعـرف وليفـه
ما يعرف الخونـة ولا هـو بغشـاش
وليـّاً رزقـه الله بعـذراء عفيـفـة
ايحطها مـا بيـن نونـه والارمـاش
ماهو على الخفـرات يستـل سيفـه
وان طالعوا فيـه الرياجيـل ينحـاش
حلـو النبـا سمـح المحيـّا لضيفـه
ويصير له خـادم مسخّـر وفـراش
وان مـد مـا مـدّت يمينـه قصيفـة|
مدّت يمينـه تبهـر الخبـل والـلاش
والياً هـرج تلقـى علومـه طريفـة
ما هـو لهفـوات المناعيـر منقـاش
وإن شبّت النيـران مـا هـو بليفـة
في ساعة الكربـة سـواي ورشّـاش
سدّه بعيد ولا أحـد يعـرف غريفـه
ولا هو لعرض المكرم العرض نهاش
والشوك في جنبـه سـوات القطيفـة
إن كان ما له بيت مأمـون وفـراش
ما يرتكي فـوق الخبـول الضعيفـة
اللـي ليـا حركتهـا قدرهـا طـاش
وإن جـا نهـار كـل قـرم يعيـفـه
ما هو ليا ثارت على القـوم رمـاش
الكذب يعرف بيـن الأجـواد زيفـه
والصّدق مثل السّيف صاطي وحشّاش
وصحيفته يـا طيبهـا مـن صحيفـة
ولهـا مـن العقـال كاتـب ونقـاش
حـاز المراجـل والمراجـل كليفـة
إلا على اللي كل مـا رامهـا هـاش
وإن شاف له من جانب القـوم خيفـة
تلقـاه للخيفـة مهـاجـم وبـطـاش
الصّدق والمعـروف والطيـب كيفـه
ويغبش لها مع طلعة الفجـر مغبـاش
لحمل مـا تلقـى جنوبـه صخيفـة
حوله بروق تعمـي العيـن وفـلاش
يصبر على جرحـه ويمسـح نزيفـه
طبه بشبه خير مـن طـب الاحبـاش
ولا هو كمـا سبـع سنونـه ضعيفـة
دايـم يلحسهـا وللعظـم عــراش
وان شاف له في غيبة النـاس شيفـة
ما هو بخبل لاخضر العـود قـراش
دنيـاه لـن صـارت ذلـول عسيفـة
طوع عليها كـل عاصـي ونفـاش
وان كان قفـت مـا عليهـا حسيفـة
ولا هو ورا هوج المعاصير قشـاش
وإن جاع ما وقع كمـا طيـر جيفـة
وإن عري ما يلبس سماليل وأخيـاش
كتبت أنا في تالي الليل بيتين
لعيون من يسوى جميع الخلايق
اللي معاهدني على الزّين والشّين
واللي بشوفه يصبح الفكر رايق
الصّاحب اللي منزله داخل العين
هو الخوي وقت السّعة والضّوايق.
يا سائلاً عنّي من القلب لبّيه
صوتك عزيز، وغصب عنّا نلبّيك
مثلك من الأجواد لا شكّ نغليه
ونفتح لك أبواب الخفوق ونحييك
وأشري رضى من يشتريني، وأرضيه
وأقول له بالرّوح والعين نشريك.
سر يا قلم واكتب من المدح ما طاب
في إلّي جزيل المدح يستاهلونه
ناس مزايين، والرّجا فيهم ما خاب
الرّوح والقلب فدى لهم لو يطلبونه
واكتب لهم شيك محبّة مفتوح الحساب
يسحبون من رصيد الغلا، وأبد ما ينقصونه.
اكتبه شعري، عسى شعري يجود
بالحروف اللي حلاها من حلاك
كلّ حرف ما بلغ وصفك حسود
لعنبو قاف عجز يلحق مداك.
لو أكتب إحساسي بالأشعار وأبديه
فيك المشاعر كيف بس اختصرها
قدرك كبير، ويعجز الشّعر يوفيه
كلّ القصايد فيك ينضب بحرها
أرفع يدّيني واسأل الله وأرجيه
ينجيك من شرّ الحياة وكدرها.
من رافقك والله حشا ما يخليك
لو عاشرك كل الدّهر ما يملك
أنا أشهد إنّي حرت، مدري وش أسمّيك
كلّ الخصال النّادرة ينتمن لك
الطّيب كنّه شابك إيديه في إيديك
إن كان له صاحب فهو صاحب لك.
والله ماني على مدح الرّياجيل بخيل
خاصةً لا جيت أمدح في زحول الرّجال
المشكلة مدحهم حمل لا شلته ثقيل
من ثقلها ما يقدر عليها كبار الجمال
حتّى لو تحاملت على حملها لا بدّ يميل
مال الجمل حيله على حمل الأثقال
أجل وش حيلة قلم بالقصايد يخيل
في معانيها صدق من مزون الخيال
قصيدة ما هي غزل فالطرف الكحيل
ولا هي عتاب وشكوة حال دون حال
والتي من الممكن أن نقوم باستخدامها في أحد المناسبات الرسمية، والتي يفضل إلقاء بعضاً من الكلمات الجميلة التي يتم فيها مدح الجالسين من الملوك والأمراء.
سلام ياللي صار للمجد عنـوان *** رمز العطاء رمز الوفا والجمايل
هذاك عبدالمحسن اللي له الشان *** شيخ الشيوخ اللي على كل طايل
سلام له واهديه من قلب والسان ***واحساس صادق مايمحّيه زايل
فيه القوافي زان طاروقهـا زان *** ماهي خساره فيه بدع المثايـل
ذكره وصيته بين كل العرب بان *** غير المعمر شاع بيـن القبايـل
له بين ربعه له معزه وله شان *** محشوم ومقدر عظيـم الفعايـل
والأسره اللي من مواكير عقبان *** كل المعمر مابهـم قـول قايـل أسرة وفا واعتز فيهم على شان * أرفع بهم راسي بكـل الحمايـل
يا مرحبا باللى لفانى وقت الاصيل .. طالب أكتبله قصيده ليقدمها هديه
يريدنى امدح بحسنها بكل تفصيل .. بالعجل ضروري لكي يعطيها بنيه
قلتله ياصديقى كلام المدح قد قيل ..وصفن بالقمر والشمس والبروق اللضيه
وانا مااحب المبالغه والمدح والتطبيل .. وبكتب قصيده لعيناك بأوصاف واقعيه
ياصاحبي هالزمن صدقنى ماله مثيل . البنت الخضراء بليله تغيرت لحوريه
الوجوه صارت عليها فنون وتعديل .. جوتن وسادولين بالوجه صبغه ناريه
حواجب محفوفه وعيون مكحله كالليل ..جدايل شعر مكشوفه وتسريحات جنيه
الشفايف بألوان الطيف لونا وتضليل . يوم احمر ومر اخضر ومرات ورديه
ولازم تـغسـلها سـنتـين بنهـر الـنيـل .. عسى ولعل تصل للبشره الحقيقيه
والعبايه اللى مصممه للحشمه بتفصيل.. صارت كلها اغراء ولوحات فنيه
تحمل نقال باليد مزين بالسلاسيل .. نعالها مترين مرتفع وحركاتها فضائيه
ولا من مشت بمشيتها تترنح وتميل .. كالغصن لما تلعبه رياحا موسميه
بنات الرنه والمسج والتشات والاميل.تركن الدين وعادات راسخه قويه
راحن يقلدن بخطاويهن مشي الرجاجيل. يشجعن برشلونه وصارت البنت رياضيه
جرن وراء العــمل ركــض الهبيل ..صارت طول وقتها عن بيتها مخفيه
تركن اولادهن للمربيات وبدلن تبديل ..نزلن الشارع وارتادن المقاهى الليليه
ويا كم واحــد طايـح بهـواهن عـليل ..وترى مايعيش معاهن صافى النيه
وين البنات اللى نفحتهن زعفران وهيل..وبوقت الشدايد تراها فارسه نشميه
وجمالها بالالتزام بالدين والعادات تمويل..وجمالها بالقلب وكلها واضحه طبيعيه
وجــــــاينى تبغى فيها مـــدح وتهويل..ما عندك سالفه وارجو السموحه ياخويه
وبالنهايه خذ ياصاحبى برهان ودليل ..أولياء الامور صاروا بحاله مرثيه
