يلي جمالك وحي عم يسحر مرايات
ونظرات عينك سحر والرب حاميها
مجبور اكتب انا عن هالسحر أبيات
خدودك معاني صلا والرب راويها
اروي يا حبي قلب عطشان لجنينات
ت ب ريق كلو قطر بالحب يسقيها
بيني وبينك سفر عم ينطوي حكايات
وعالدرب روحي الك قررت اهديها
بكتب بدم العشق والتضحية كلمات
من جرح قلبي صرت عالبعد غنيها
مسكين قلبي وصرت عاشرشف الاهات
واقف عباب الوعد معقول لاقيها
هيهات يبقى الخجل عا معشرك هيهات
يزلغط بعرسك قمر أصوات اييويها
واعمل عا درب العشق بالليل تمشايات
ودروب عشقك انا عاشوك بمشيها
واقعد عا جنب النهر اكتب الك ردات
وانتي بفوأد القلب عم بتكتبيها
ومع كل نغمة صدا بتتروحن الدمعات
وبعيون ببو الفرح صرتي تعزفيها
الشاعر: قاسم هاشم
