السلام عليكم يا حلوين

اليوم جايب لكم موضوع عن بنات المتوسطوما ادراك ما بنات المتوسط

دجه
رجه
صياعه
طولة لسان
لعنة خير
واحسن شئ فيهم {الفزعات}

شعارهم:ازحف للدنيا تزحفلك _عيش وفلها وربك يحلها
هدفهم:تضييع الوقت باي وسيله

لا وعندهم تعصب قبلي وغطوا على الشباب من هالناحيه لوول!!!
يعني هاذي شمريه تهاوشت مع دوسريه عشانها قالت الشمامره...........؟
وهاذي سبيعيه تهاوشت مع عتيبيه عشانها قالت ........؟
وهاذي زهرانيه تهاوشت مع غامديه عشانها قالت.........؟

وهاذي حالتهم من اول ما يجون لين يطلعون على {البيت}

لا وما شاء الله عليهم عقولهم اكبر من سنهم يعني مثال بنت بثاني متوسط عمرها 14 سنه تعرف كل صغيره وكبيره واظن فاهمين قصدي زين الله يرحم زمان اول

وتلقا كل وحده منهم معاها جوال اخر موديل ههه قصدي توه نازل بــ2000 ريال وشاريته
و هالشباب مساكين الرهيب بالحسره لووول مزحه

وكل وحده فيهم عندها كومة شباب تعرفون وش يعني كومة شبابطالعه من قلب
تقولون هاذي عمرها 24 مو 14

لا واذا جت المباريات بين الانديه هوشات مو صاحييييييه
مثلا:
بنت تهاوشت مع الثانيه وطلعت دمها عشانها قالت الهلال يغطي على النصر بالراحه كفو والله
ومثال ثاني بنت قالت برشلونه تغطي على مانشستر يونايتد وتدوسها تحت جزمتها بعد

لا وانحش اذا جااء طاري اللاعبين اوووف اوووف تكفيخ ومكافخ ولعنة خير
عشان ياسر القحطانيي احسن من مالك معاذ وعبد الرحمن القحطاني احسن من الجابر ونواف التمياط جذاب اكثر من الشلهوب وووووو ....إلخ

واذا جت مباراة المنتخب اللي كاتبه على ثوبها يالاخضر اللي ما تعرف المستحيل علم بلادك في يمينك يا الاصيل وبخاخات وعلى الجدران واللي كاتبه يكفي ان الكون كله وراي لاني سعوديه دايم الدوم قدام وعليهم وطنيه مو صاحيه بس يموتون على شئ اسمه فزاع الشيخ حمدان يموتون عليه ههه يحقلهم ويحبون قصيدة شاميه اتصلت غلطانه ويعشقون الشاعر لفى الهفتا


وما يقهرني الا ان المعلمات يخافون منهم وربي يخافون ولا قبل كم يوم معلمه مخلوعه كتفها بالمدرسه {المتوسطه الاولى بالظهران} تصوروا دابغين مدرسه والله زمن

ولا اذا راحوا للمدرسه قصدي للسكول على مراييلهم ما تقول مراييل للمدرسه تقول فساتين عرس فتحات وخصر و انواع التزين انواع الكشخه انواع وانواع وانواع

وكل اغنية تنزل حفظوها بدقيقه بعني لو الوزاره تخلي المناهج اغاني وتجيب مساري يغنيها وربي ينجحون بالراحه ههه

والمشكله انهم يعرفون كل سياره تنزل ويعرفون موديلها قيمتها وشركتها والاقساط حقتها مدري وش عرفهم ما شاء الله

وطبعا كل وحده فيهم عندها اكثر من ايميل يعني ايميل للعايله وايميل لصديقاتها وايميل لاخوياها وايميل للمنتدياتها

لا واذا مروا شباب من عند مدرستهم انواع الزحمه يا شيخ اللي تزين الكحل حقها ولا تعدل لثمتها ولا تشيل الشيله خير شر كل هاذي عشان يقزوون صح!!!اسحب عليه

وخصوصا اذا طلعوا على البيت انواع الغمز واذا عجبهم واحد نادوه وقطوا الرقم وراحوا والله حاله فضاوه


وتعال بالحصه اللي تطقطق بعلكها واللي تاكل حب واللي تغني واللي يسولفون واللي يحشون واللي يتفقون على هوشه واللي ناوين على معلمه واللي تشق دفترها واللي تقص شعرها واللي تهستر بالمعلمه والشله هذيك منحاشه وشلة حليب نياق بالاداره الله لا يوريكم اذا حنا كذا وشلون المدارس الخاصه

لا وكل يوم يلبسون بناطيل تحت مراييلهم عشان اذا لعبوا كوره ورا المدرسه
طبعا كل يوم الشلل هاذي مخصصين حصه يهربون فيها ويروحون يلعبون ورا الدرسه بالكورهحشا شباب مو بنات
يروحون ورا ويفصخون ثيابهم طبعا البناطيل تحت يعني عادي ويلااا لعب اللي تقلد بيكهام واللي تقلد ياسر وهذيك تقلد كاكا والثانيه كريستيانو ولو تحطونهم بالانديه يفوزونها بالراحه


وهستره بالمعلمات مو صاحيه بس ترا هم ما يقولون لك شئ بس لو تقربلهم ولا تتحرش فيهم رحت فخرايطها


وما يعترفون بشئ اسمه نظافة كتب يعني طنش تعش تنتعش
صارت كتبهم وسيله تعبير عن النفس يعني اللي متضايقه على طول فتحت الكتاب وكتبتلك ذيك القصيده
واللي زهقانه تكتب بكتابها كل اغنيه حافظتها واللي ... واللي.... واللي....إلخ

هههههه

والمشكله دجه طول السنه ونهاية العام اللي جايبه نسبة 92% والثانيه95%


وعليهم ثقه بانفسهم مو صاحيه الوحده واثقه من نفسها حييييييل من كل ناحيه

وما يمر يومين الا وهم متواعدات بمجمع يا مجمع الراشد ولا مجمع الظهران ولا فؤاد سنتر او الجمعه سيتي سنتر ولا جيان وبلا كارفور ولا المارينا حتى بالمشاغل حقت قص الشعر يتواعدون هناك

واذا جااء رمضان كالعاده فيه شئ اسمه صلاة تراويح هم يروحون عشان يدقونها سوالف دججججه من جد

وهاذي حالتهم مستحيل تتغير يعني صراحه العن من بنات الثانوي والجامعه حرااام البنت عمرها 15سنه 16 سنه14سنه 17سنه وداجه بس وناسه وربي على الاقل يطلعون من المدرسه بذكريات تضحك هههه

وهاذا هم بنات المتوسطه الا من هداه ربي


اتمنى انه نال اعجابكم

يسلمووووووو ع المووووضوع

انا الحيييييييييييييييين بالمتوسط هع هع

يسلمووو كلك ذوووق يااقمري.......

ههههههههههههه

يــســلمــوووووو يـالـغـلا

ههههههههههههههههههههه
الله يذكر ذيك الأيام بالخير

ههههههههههههه
يسلمووووووو

ياحوووبي لكم يسلموووو ع المرووور يالغوالي

معقووووله عقلتي حلاوتها
مبارك عليك الركاده
من جنبها ياستي

يؤؤؤؤ يؤؤؤؤ رحوووله انا الي عقلت ابوو العقل والركاده انا بس احيانا يجبرني الوقت اعطي مخي اجازه هع
نورتي يالغلا

ههههههههههههههه

يسلمو ع الموضوع