لا يتحمّل موقع البرونزية النسائي أيّة مسؤوليّة عن المواد الّتي يتم عرضها أو نشرها في الموقع

@@قمرهم@@ · 03-29-2010, 10:57 PM

وإذا يعنى تضايقنا..؟
بنغيّر شى؟
وإذا مات الزهر ف اجمل حدايقنا
بنغيّر شى؟
وإذا ب هدومنا ضقنا
بنغيّر شى؟
كثير نمر بعض احيان بـ ضيقة بال
زعل صاحب
وحاجة مال
شتيمة شخص مايعرفك
عتب قارئ
ونزعل حيل نتضايق
وإذا يعنى تضايقنا,,!

وإذا يعنى تضايقنا
هى الضيقه بتكون الحل!!
اذا كانت شموس الوقت تحرقنا
هى الضيقه بتكون الظل!!
إذا غابوا جميع الناس وتفارقنا
هى الضيقه بتكون الخِل!!

وإذا يعنى تضايقنا..!!
وكثير من التعب ذقنا
وسهرنا الليل
بيجى صبح ويفرقنا
ونبكى سيل
لين الدمع يغرقنا
ولابه شخص ف الدنيا بليا هم
أحد ضايق
سبب فاتورة الجوال
احد ضايق
عشر سنين متزوج وربك مارزقه عيال
احد ضايق
لأن البيت به صجه وزحام أطفال
أحد ضايق
من السكّر
أحد ضايق
لأنه نايم مبكّر
أحد ضايق
لأنه حبها بـ خبال
أحد ضايق
لأنه مامعاه ريال
هموم أكثر من اللازم وتخنقنا
سؤال الحال!!
وإذا يعنى تضايقنا..؟

وإذا يعنى تضايقنا..!
من اللاشى
الى اللاشى
على اللاشى
تخانقنا
وندخل فى نوايا الناس
أظن فلان يقصدنى
أظن السيده فلانه تسب الانسه فلانه عشان العانسه فلانه
أظن الناس هنا بالحيل تكرهنى
أظن السيده فلانه تعالج من مرض نفسى
أظن فلان غبى ويشابه الكرسى
أظن فلان لها يكتب شعر حتى تغنى به
أظن البنت بنت شيوخ
أظن البنت لعّابه
أظن البنت كذابه
أظن البنت حطت (ورد) وسط(الرد) سبب من شان نتعرّف
وأتقرف
ترانا ناس فينا كذب
وغبى منهو يصدقنا
وإذا يعنى تضايقنا..!!

[IMG]http://rafee9.******.com/files/148386.JPG[/IMG]

وإذا يعنى تضايقنا..!
إذا راحوا
وخلّونا
نسوا كل الكلام العذب
بكّونا
وعرفنا بـ يوم بأن كل الحكايه كذب
ملّونا
وإذا خيّم علينا الليل
ماأشرقنا
وإذا ضقنا
وصار الحرف حبال فى مشانقنا
بعد هذا
وإذا يعنى تضايقنا..!

وإذا يعنى تضايقنا..!!
إذا هذا الزمن لبّسك ثياب ف يوم مو قدّك
بتحط ايدك على خدّك
وتبكى حيل
إذا هذا البحر ضيّق ولايقدر على مدّك
بتحط ايدك على خدّك
وتبكى حيل
إذا كل الجمر هذا عجز يصنع عطر ندّك
بتحط إيدك على خدك
وتبكى حيل
إذا خدك طبع حزنه على يدك
وعرّقنا
أقول لك شى
وإذا يعنى تضايقنا..!!

وإذا يعنى تضايقنا..!
وطفينا دروب النور
وعتّمنا
المدن والدور
ويتّمنا
شجر وزهور
وكتّمنا
رقيق شعور
وشتّمنا
علو السور
عشان اشياء هى الاتفه من الأتفه من الاشياء
رجل خاين
" ماهى دوم الرجال تخون..!"
وماهو باين
وجود عيون
خيانة بنت
" ماهى كل البنات تخون..!"
لكن انت
ترفرف من تنادى لك" حبيبى
العاشق
المجنون"
وبعد هذا
وإذا يعنى تضايقنا..!!

وإذا يعنى تضايقنا..!
ومشوا عنّا كثير اصحاب
وتفارقنا
وشققنا الورق للريح
بعض فرقا
تكون الحل قبل نطيح
بعض فرقا
مثل جمره وحنّا الشيح
بعض فرقا
كثير أكرم من التجريح
بعض فرقا
تجى جيّة دعا وتسبيح
كثير أصحاب فارقنا ونسيناهم
كأن كانت علاقتنا علاقة وقت
مصالح وانتهت
يمكن
قرابة دم أو جيران
يمكن
تشابه هم
يمكن
واللى يهم
ماضقنا
وإذا يعنى تضايقنا..!!

وإذا يعنى تضايقنا..!
وطيّرنا فراش النوم
ومسحنا كل الوانه
وإذا سيطر على جوّك حزن ووجوم
وبديت تفسر الاشياء على كيفك
زعلك لـ غيبة فلانه
وبنت كنت تعرفها قبل مده وتفارقتوا وجتك تقول:
ولهانه
وبنت كل ماتحاول تصارحها بـ أحبك حيل
تستأذن:
بروح آنام نعسانه
وبنت تعشق الدافى من الهرج
وتمرّك حيل بردانه
كثير أشياء غلط حولك
وجوه الناس
تعبانه
قلق مدرى طفش مدرى تعب مدرى قرف مدرى ترف
مدرى الناس زهقانه
كثير اشياء
تزهقنا
وإذا يعنى تضايقنا..!

وإذا يعني تضايقنا!!
بيهمّ الناس
بيخلّي أحد بارد
يفيض إحساس
بتصنع هذي الضيقه علاقة حب مابين الحطب والفاس
وإذا يعني زعلنا بيوم
لإمر ما
وطار نعاس
وإذا فينا خنقنا أنفاس
وحلّقنا
يتغيّر شي إذا يعني تضايقنا؟؟

وإذا يعني تضايقنا!!
ماهو حتى المطر يهجر حديقتنا
وتنبت فينا ضيقتنا
وتغرقنا سيول الملح
والدمع هو صديقتنا
ولابه شخص ف الدنيا تهمه ضحكتك غيرك
لذا إضحك
ولاترمي بذور الشر في خيرك
لذا إضحك
كثير اشياء من الأجمل تحاول دوم تسرقنا
لذا اضحك
وقول بحب:
وإذا يعني تضايقنا!!

وإذا يعني تضايقنا
بهدوء أكثر...!!
وإذا يعني تضايقتي
وجمعتي كل هـ العتمه
ولا أشرقتي
وقلتي في قرف مزمن :
أحس الوقت
مو وقتي!!
وإحس اني تعبت أكثر من الأكثر من همومي
وقولي لطيحتك:
قومي!!
وقولي لكل هذي الأرض:
بآعلّي..
وإنطري غيومي!!
تعبتي كثير تلومي النفس
ويخنقك البكا ساعات!!!
ولا واحد بحزنك حس
بدفا العبرات!!
وإذا يلمح أحد تقصير كذا من غير مانقصد
هنا تنصب مشانقنا
بعد هذا
وإذا يعني.. تضايقنا؟؟
وإذا يعني.. تضايقنا؟؟

لـ نسخ الموضوع والاستفادة منه استخدمي هذا الرابط :
وإذاا يعني تضايقـــــــنا
http://www.brooonzyah.net/vb/t67558.html

ايف ارابيا ،،، موقع ازياء ومكياج للنخبة ،،، الصور في الموقع جريئة جدا

لمعة ألماسه · 03-29-2010, 11:14 PM

راااااااائعه ..يعطيك العافيه خيتوووو ...

**شموع الليل** · 03-30-2010, 01:24 AM

لاتضايقنا وش يهم الناس
ناكل بانفسنا ولا احد حاس
نسحب الآه داخلنا وتطلع بالانفاس
هذا حالنا ياقمرهم مالنا مكان بين الناس

تسلمين نزلتي دموعي وانا اصلا ضايقة

الشمحوطه · 03-30-2010, 02:00 AM

كلمات في منتهى الروعه يعطيك العافيه قمرهم

حرم عبد الله · 03-30-2010, 02:12 AM

الله يعطيك ألف عافيه
كنت ضايقه ووسعتي صدري بكلامك الله يوسع صدرك ويجزاك خير

@@قمرهم@@ · 03-30-2010, 06:21 AM

يــا لبــى والله قلووبكم عسااكم ماتشوفوو الضيقه بحيااتكم

شمووعه قلبوو ترى دمووعك غاليه والدنيا ماتسووى

لي إحساس غير هالناس · 03-30-2010, 06:39 AM

يعطيك العاااااافية غاليتي قمرهم وكلمات في قمة الرووووعة

ضحكهـے وسط إنكسآر · 03-30-2010, 02:28 PM

فدددديتك قمرنا وربي روووووووووووعهـ
وووحشتني مووواضيعك ويوم اشوووف ذا واطيييير عليه
يسلمووووو يعطيك العاافيهـ
تقبلي مروري،،،

اميره بمملكتي · 03-30-2010, 02:40 PM

يسلمو

ريفان المدينه · 03-30-2010, 03:17 PM

قمة الروووعه والابدااااااااااااااااع
يسسسسلمووووو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يعني ايش انمي؟	مس ليمونه	منتدى صور الانمي	19	11-19-2011 02:50 AM
ماضي وليته يعود . ولن يعود	غريبة الدار	مجلس البرونزية	3	10-22-2011 12:04 AM
·.¸¸.•°°·.¸. يا ليت ماضينا يعود ·.¸¸.•°°·.¸.‏	(هديل المحبة)	اناشيد اسلامية جديدة	4	04-14-2011 01:44 PM
الف .. باء..يعني اب	ஐღ๑ ◦˚توته˚◦ ๑ღஐ	منتدى الصور	8	08-14-2010 10:34 AM