فندق روزوود كورنيش Rosewood Corniche بجدة يتبع لسلسة روزوود العالمية .. إللي من ضمنها فندق الفيصلية بالرياض .. يتميز الفندق بدرجة تصنيفه كـ خمس نجوم بلس .. مثله مثل الفيصلية والفورسيزونز بالرياض .. بناءً على معايير قد تخفى عن الكثير منا مثل مساحة الغرف وخلافه .. لكن لاحظت ثلاث مميزات تقريباً ..

والثانية ..

هي أن التحكم بالإضاءة والستائر يتم عن طريق شاشة باللمس .. مع إضافة بعض الخدمات في هذه الشاشة ..

والثالثة ..

هي المسبح .. مسبحهم خطير جدا جدا.. فوق .. على قمة الفندق .. مع فتحات زجاجية بأرضية المسبح تشوف فيها النافورة إللي باللوبي بالدور الأرضي .. شيء فوق الخيال ..

موقع الفندق ..

http://www.hotelcorniche.com

طبعاً الفندق ماعليه علامة أو كتابة تشير لإسمه .. وهذي هي سياسة فنادق روزوود .. تعتبر فنادقها بحد ذاتها مميزة ولاتحتاج لعلامة أو كتابة للإرشاد لها .. أوافقهم بهالشي مع الفيصلية بالرياض .. لأنه مجاور لبرج مميز وشهير .. أما فندق جدة فلا أوافقهم بذلك .. لأنه مبنى عادي مثله مثل غيره ..

اخليكم مع الصور

المدخل .. صغير و وحيد وضيق .. لايعكس مداخل فنادق الخمس نجوم ..

الإستقبال .. وهو عبارة عن مكتبين متجاورين ..

اللوبي .. جميل وفسيح ..

وهذا المصعد الزجاجي المطل على الخارج ..

لقطات للمرات الفخمة والراقية بين الغرف والأجنحه ..

وهذي إطلالة من فوق على النافورة إللي تتوسط اللوبي ..

وهذا سقف الهول أعلى النافورة وهي أرضية المسبح إللي بقمة الفندق مدري إذا قدرت أوصل لكم المعلومة بشكل مفهوم أو لأ .. يعنيهالإسطوانة الفارغة إللي بوسط الوبي يحدها من الأرض النافورة إللي تتوسط اللوبي ومن الأعلى قاعدة المسبح إللي بقمة الفندق ..

وهذا منظر ثاني بالنهار ..

ندخل الغرفة ويسمونها غرفة ديلوكس وعندهم بعد جناح الدانة وجناح تنفيذي وجناح رووز وود .. وجناح ملكي ..

هذا جهاز التحكم بالأجهزة والخدمات المرافقة .. بالإضافة للريموت كونترول حق التلفزيون ..

من الأشياء الجميلة وإللي يكون لها تأثير خاص هي كتابة رسالة المدير التنفيذي للفندق بخط اليد تعطي نوع من الإهتمام والعناية ..

وهذي بعد حركة خطيرة .. وهي تجهيز أوراق وظروف المراسلات بطباعة إسمك عليها ..

ندخل الحمام عزكم الله ..

النادي الصحي (الجيم) حقهم راااائع .. راقي جداً ويحسسك بإهتمامهم بأدق التفاصيل ..

دواليب الملابس ..

غرفة تغيير الملابس ..

دورات المياه

وهنا .. المنطقة المخصصة للساونا والبخار ..

ومافي جاكوزي بالنادي الصحي ..
لأن كل سويتات الفندق فيها جاكوزي خاص ..
أما الغرف .. زي اللي في الصور.. مافيها جاكوزي

منطقة الاستراحه

وهنا .. أترككم مع المسبح الخرافي الصور تتكلم عن نفسها بدون شرح ..

هنا لاحظوا الفتحات إللي بقاع المسبح ..

هذي الفتحات المطلة من قاع المسبح على اللوبي حركة مبتكرة وفريدة ..

منظر الكورنيش المطل من منطقة المسبح ..

أرجو أن أكون قد وُفّقت في تزويدكم بالمعلومات والصور الكافية عن هذا الفندق ..

مع تقديري وإحترامي ..

منقول

مشكوووووور والله يعطيك الف عافيه

الله يعطيك العافيه
يــســلمــوووووو

مشكوووووورة والله يعطيك العافيه

واااو جنان
يسلمو ندو

مشكورة

رووووووووعه
الله يعطيك العافيه
منوووووووره القسم يالغاليه

مشكوووورهـ ياااا قلبي

مشكوووووووووورة يالغاليه

مــــــــشـــــــــــكــــورة