موبدعه دائمن رحوله واتمنا ان يفرج الله همك وهم كل مهموم وهاذي هي ادنيا همن وفرج

الى يوم الحسب واعانان الله على شكره وذكره وحسني عبادته والكي مني كل الحب وتقدير

آمين يارب
يوم السبت 4/4/1431هـ
صحيت الصبح,,,,,,,,,,,جد والله
ترى صدق يابنات صحيت الصبح وكان طولة الوقت مملة
جلست عالنت طفشت مو حابه آكل شئ
ولا حابه اخذ دواي شسوي
معقوله الطفش يسوي كذا
ماودي احد يقعد معي
ولاودي اجلس لوحدي
شسوي قولولي شسوي
بنات وزارة الخدمه لسه مافتحت ابوابها متى ناوين ان شاء الله
ابي وظيفة ابي شئ افرط فيه بطاقتي
ابي افيد واستفيد
والله مو طمعانه بالراتب
بس طفشت من الدراسة وجلست البيت
الشيب طلع براسي >>>>>>>>>كاذبة
وانا للحين جالسة ببيت ابوي<<<<<<<واي بيت تبين افهموها ههههههههه
والله يبنات محتاجة الدعاء
فيني ضيقة صدر
وكسرت خاطر
مافي غير انا واختي بالبيت
اهي نايمة وانا صاحية<<<<<<<<<<اجل من اللي يكتب
تحملوني شوي طفشانه<<<<<خلاص درينا
بطلع لاني مو عارفة اكتب شئ
الا اقول تبون اكمل قصة حياتي
لالالالالالالالالالالالالالالا
مو اليوم مو فاضية كفاية ضيقة >>>>>>>ومن طلب منك
يالا في امان الله وحفظه
دعوااااااااااااااااااااتكم لي بالهداية اولا والوظيفة ثانيا

دايما اتابع مدونتك بصمت000
رحوول قلبي اصبري على ماكتبه الله لك
والله ان الله مايصيب عبد بإي شي
الا انه يحبه ويبي يختبره في صبره
وان شالله على صبرك هذا
ربي يكتبلك الفردوس الاعلى مع والديك
كما قال تعالى: { إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ }
والله اني ماانساك دايما من دعائي...
وان شالله اشوفك دايما مبسوووووووطه
وربي يحققلك كل امانيك
ويوفقك000
كــــــــانــــت هــــنــــــــا
اخـــتك>> خــطـــاي انــــي وفـييـــــــــت

هلا فيك خطخط
يشرفني تواجدك بمدونتي يالغالية
واسعد كثيرا بدعواتك
دمتي

اليوم الثلاثاء تاريخ 7/4/1431هـ

صحيت متأخرة عالفجر لاني نمت متأخرة

وكانت نفسيتي تعبانه من الليل وقبل لاانام ,,,,,,,,,,,,لااقصد وانا نايمة هههههه

لاجد يابنات كان صدري ضايق حيل وللحين ضايق

كثير اشياء تصير مااحبها

واحسها تنبأ أن الدنيا تقفلت بوجهي

مدري شسوي وين ارووووح

دخلت المستشفى وطلعت لدكتور باطنية لا واستشاري

حسبت انه بيطمني ويقول حالتك احسن

زاد الطين بله وطلب تحاليل اش كثرها
ن
زلت اخذوا مني دم وشالوا اللي يبون

طلعت الاستراحة توضيت وصليت العشاء

وأنا لسه قلبي يرجف تدرون ليش

لاني اول مره اراجع عند دكتور سعودي

كل مره اراجع عند دكتورة

وبالآخر اضطريت اروح لرجال بس كان مصري

ويهون الأمر لما يكون دكتوري مصري

بس والله لو تدرون وش كانت حالتي اول مادخلت عياده

كانت العيادة نفسية

الكل طفشان وساكت واللي يتكلم يشتكي

واختكم ماغير تبي تضبط اعصابها
احس كل عضو فيني طاير بناحية
وعدا اليوم على خير ولله الحمد
بعدها تونست ولله الحمد
بس تدرون قبل لااروح العيادة
كنت بسفر يعني كل وقت السفر في توتر وقلق
واخيرا وصلت وحانت لحظة الصفر
والله يابنات اول مره لمس راسي
من كثر الخوف جلست مده احس بوضع اصابعه
على راسي ..............قولولي وشهو ذا خجل زايد
والا وشهوا بالضبط
تعبت اكثر
من يوم بديت اراجع عند اطباء
وكل زيارة والثانية تجيني حالة توتر غريبة
لحد مااقدر اتكلم ابد
وجسمي كله يرتجف من فوق لتحت
ابي حل ابي نظرة صادقة؟؟؟؟؟؟؟؟؟

هلا صقيقاتي نسيت اقلكم وش صار في عيادة الباطنية

شئ يعور القلب................

بعد ماشالوا الدم واخذوا اللي يبون

طلعت صليت ولله الحمد

هدئت شوي بس كنت محتاجة اسند ظهري على شئ

ذكرت الله ودعيت وقلت الحين التحاليل قالت نصف ساعة وتجهز

اطلع الاستراحة واحاول اهدي نفسي واتهيأ عشان ادخل للطبيب بنتايج التحاليل

ويوم قمت من سجادتي الا ولد اختي يقول التحاليل انتهت

يووووووووه رجعت شيلتي على وجهي وطلعت الاستراحة

وشوي وادخل اسلم النتايج

ويجيك ذاك الدكتور المتفلسف

صحتك حلووووة ولسه صغيرة

وماقدامك الا العافية

توقعت بيقلي النتايج ويذلف

مابقى شئ ماسأل عنه

حتى اني موظفة او لا

واذا مو موظفة جالسه شذيس بالبيت

قالوه ولد اختي متخرجة ومستنية الوظيفة

والله حتى تخصصي سأل عنه وشهوا

وحلوا تخصص حلوا

ولايهمك ومدري ايش

وبالآخر اقله وش نتايج التحاليل

قال عندك السكر وبعد سين وجيم

في احتمال مع الحمية والرياضة يروح

قال مافيه شئ اسمه ان السكر يروح ابد

بس ممكن وقاية من المضاعفات

وسلمت امري لله

واللي قاهرني كل شوي كيفك واخبارك

وكنه يعرفني من سنين طوال

وشوي ويضحك ولاتهمين ومدري ايش

يشوفني بقطع قفازاتي من الحياء

وهو ينكت ..............

انا عارفة انه يبي يلطف الجو

بس والله تعبت وانا احاول اضبط اعصابي

وطول الليل وانا لسه تعبانه

رغم اني تونست بعد ماطلعت المستشفى

وتعشيت ببتزا هت

ومكان راقي ورايق

وهدوا يخلي اللي مايسترخي يسترخي

عطوني حل للحالة هاذي

ابي شئ يساعدني اضبط اعصابي

اكل شراب اي شئ

لاتاخذوني على هذرتي الزايده

بس جد كنت محتاجة اتكلم

ومالقيت غير مدونتي

اكتب فيها ولاحد يعرفني



دمتم بود

ابشركم صقيقاتي

امس دريت ان فيه تعاقد
بس مالقيت احد يوديني اقدم اوراقي
وزعلت وعصبت بس ماتكلمت ابد
ولا كان الامر يهمني
لاني كنت طفشانه من سالفت المستشفى
وقلت اذا جاء احد وداني كان بها
مالقيت مو لازم اذا لي فيها حظ بيجيني من غير مازيد نفسي بلى على بلاي
وجلست بعد الساعة 9.5على النت اكتب بالمدونه
الا صديقتي تدق جوال تبين معي نقدم اوراقنا
قلت مستحية من خويك يامعوده
قالت مافيها شئ عادي ترى
اهي صديقتي وبنت بنت عمي
يعني فيه قرابة
قلت متقطعه من الحياء اخواني مايدرون عني
اخاف ااخرك وانا استأذن
خذات اوراقي معها ولا ماعندي منها نسخ
وطلبتها تصورها واو ياربي خجلانه منها
والحين اهي راحت المركز ولسه ماردت علي
لان المكان بعيد ولسه ماوصلت اكيد
ادعولي ولها يكون لنا فيها نصيب
ولاعليكم امر
خلنا نفرح اغير جو البيت
والله مو طمع بالفلوس
بس ابي احس بوجودي
احس اني قدمت شئ
درست وقدمت فايده مو بس اكل ونوم وحمام الله يكرمكم ههههههههه



ياكثر هذرتي بس هاذي آخر مره ادخل فيها المدونه قبل الظهر

يمكن احتاج اهذر وادخل
اقروا ولاتملون وماعليكم امر هههههههههههه

وعدتكم مازيد شئ الا بعد الظهر
وهذا انا في يوم الاربعاء
تاريخ 8/4/1431هـ
رجعت ابي اشوف اذا احد حاطلي علاج او شئ
مالقيت احد طال على المدنه ابد
عالعموم اليوم كانت نفسيتي زي ماهي عليه
تعبانه مررررره
صحيت الفجر وقريت قرآن وقلت الاذكار
جلست مع اخواتي لين الساعة ثمانية
اخذت حبوب السكر واخذت ثلاث تمرات
واكلت ربع رغيف خبز
وجلست اسولف مع اخواتي لين عشرة الصباح
وتعبت فجئة ورحت سريري عشان انام
كان فيني برد وماقدرت ابد
لا ومنزعجة ماودي اسمع نفسي
وبعد عناء ومشقة قدرت اغمض عيوني
وماصحيت غير الساعة وحده ونص
صحيت وجاني هبوط بالسكر
شكل التمرات مافيها مفعول ابد
صليت على عجل
وعلى طول اروح للمطبخ اخذ توست وجبنه وكباية عصير برتقال
وشوي بعدها هدت اعصابي
واخذت بقيت علاجي بعد الغداء
وجت زوجة اخوي وسولفنا شوي
واخذت اولادها ودخلت شقتها
ورحت اخذت شور
وصليت العصر وتجهزت
وماكان لي نفس اجلس بالبيت
وطلعت على بيت اختي ويا اخواتي
وجلسنا نسولف لين الساعة 11 في الليل
ورجعت البيت واختي نامت وانا على النت
طبعا ماقلت لكم وانا عند اختي
كل شوي اتشرط ابي شئ
ويجيبوه آخر حاجة استئذنتها من شان
اركل الطاولة قالت عادي
طبعا من كثر التوتر والتعب اللي فيني
ودي اشقق هدومي
ومالقيت غير الطاولة وركلتها لين ضربت بالسرير ورجعت المسكينه هههههههه
زين انها ماتكسرت والا كان تفشلت
والحين بفرفر بالمنتديات شوي وبطلع
دعواتكم لاتنسوني منها يابنات
الله يخليكم ويعافيكم لعين ترجيكم يارب
اختكم:::::::
رحلة أمل

مساء يوم الخميس 9/4/1531هـ
الساعة الثالثة الا عشر قبلها بدقيقتين
دخلت اقول اني اليوم ان شاء الله احسن بكثير
صحيت صليت الظهر ولقيت النفسية متحسنة
وكل مالها تصير احسن واحسن الحمد لله
صحيت ولقيت زوجة اخوي واخوي وعيالهم حوالي
الله لايحرمني منهم ولا من تواجدهم يارب
تغديت واخذت حبوبي ودخلت عالبرونزية
لقيت تحدوها راسلتلي عالخاص شئ يبشر
والحمد لله رب العالمين
والافضل اني لقيت عروب داشة المنتدى
ومرسلة عالخاص انها بصحة وسلامة
وهذا الشئ يسعدني حيل حيل
لاني توقعت بعد الشر عليها
ان ماعاد تدخهل ولابتزورنافكانت زيارتها
مفاجأة حلوووة الله لايحرمنا مننها يارب
ولا من طلتها يارب

رحلة أمل

من القلب يالغالية رحوله
الله يشفك وطمن بالك
بس حبيبتي بخصوص نبضات قلبك اكييييد من النفسية
يعنى بس تريحين بالك كلش يزين
وخليها للى عينه ماتنام

واما السكر اللى يشفيك وإذ متأكده من التحليل
حاولي تعالجين بالبداية
وأنا قريت لشموع الليل موضوع والله ما اذكر اسمه
بس سوي بحث لموضوعاتها وهو عن ورق الزيتون إذ مو غلطانه
لعلاج السكر
وهى جربته لأمها

وحبيبتي اسمعي شريط الجبير دكتور القلوب
الظاهر امراض القلوب من زمااااان سمعته عشان كذا ما اتذكر اسمه
بس رووووووووووووعه للى يشتكى من الألم بالقلب

وما راح ننساك من دعائنا يالغالية