هذا موقف صار لوحده من الاخوات في الله

حبيت احكيلكم عن موقف صار لي امس في الشارع التجاري بالدمام عشان تنتبهون

كنا رايحين هناك ادور سجاد ابغى اشتري

ومالقيت شيء عجبني ورجعت السيارة لحالي انا وولدي

وزوجي راح يشتري مويه

شوي اشوف حرمه تدق على القزاز
استغربت وفتحت لها قامت تدعي وتطلب فلوس وكانت تحاول تتكلم لهجتنا بس من كلامها عرفت من اي دولة هي عطيتها من ماعطاني ربي
وراحت ورجعت مره ثانيه ودقت على القزاز وفتحت لها قالت افتحي الباب استغربت انا فتحت شوي
الا هي حطت يدها وتسحب وانا خفت وصرت اسحب وهي قويه
فتحت الباب وصارت ترش بخاخ وانا غمضت عيوني حسيت زي النار فيها
ومعاد شفت شي اتذكر اني ماسكه الباب
والحمدلله على جية زوجي
شافها ماسكه الشنطة وتبغى تاخذ ولدي مدخله راسها من ورايه هو واقف ورى صغير عمره سنه و10 شهور
على طول مسكها واتصل على الدوريه
وهي تصارخ وانا في خبر كان
كاني نمت
وجات الدوريه ومسكتها والشرطي حذر زوجي وقال صاير الخطف كثير بهذي الطريقة
والحمدلله عدت على خير
انا اغمي تقريبا ساعة ولما فقت الا احنا في الطريق رايحين المستشفى

ماني مصدقة اللي صار

يااخوات انتبهوا الدنيا اتغيرت
حسبي الله فيها
الله لايوفقها لاهي ولا امثالها
ياليتها كانت تبغى الشنطة اللي مجنني اش تبغى في ولدي الله لايوفقها

المشكلة اني ماكنت أءمن على ولدي حتى مع ابوه

استحاله اخليه

واخرتها كنت راح اتسبب في خطفه بسببغبائي

للأسف بعض الاباء ياخذون عيالهم معهم ويتركونهم بالسياره لحالهم وينزلون للبقاله يشترون وبعدين يرجعون للسياره وهذي الحركه جدا خطره للاسف بعض الرجال ماعندهم احساس بالمسؤوليه بالمره

منقـــــــوول

الله يستر علينا أصلا مستحيل اني افتح باب السيارة لها لو أيش
يسلمووووو عالنقل

وااااااااااو
حسبي الله ونعم الوكيل

الله يكفينا
لهالدرجه؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مشكووووووره والله يعطيك الف عافيه

اسجدي لله شكر والله كتير مواقف تصير لنا ياربي سترك على المسلمين

لاحول ولاقوة الا بالله الله يستر من هالزمن

والله لو منك ماافتح لها الباب الدنيا ماصار فيها امان مع انها بلاد مسلمين لكن العماله معبيه الديره

لا حول ولا قوة الا بالله

والله صدق الدنيااا صايره تخووف

بالمرة

اللهم عافينا مما ابتليت به كثير من عبادك
الله يحمينا ويستر علينا بس انا ماعطيهم وجه المفروض يروحو بلدهم يصرففو عليهم ايش ذنبنا احنا نتحمل بلاويهم حسبنا الله ونعم الوكيل