لا يتحمّل موقع البرونزية النسائي أيّة مسؤوليّة عن المواد الّتي يتم عرضها أو نشرها في الموقع

ميماااا · 09-03-2009, 11:02 PM

ياعااااااااالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا طيب يامرتي العزيزه فيه شي اسمه دمج .. رئاسة تعليم البنات بكبرها دمجوها .. ما تدمجين انتي ورقة مقاضي الظهر مع ورقة مقاضي الليل ونفتك من هالقلق اليومي ..

المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين??

طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي وبعد ماقضيت لمرتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يقطع ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ما ناقص الابطل بلاك .. الى درجة اني رحمت يوم شفت سفرتنا ههههههههههههههه

المشكله ان مرتي تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ??

واروح البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الإيه ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه

الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض !!!

المشكله ماعندهم رحمه .. درجة الحراره في عز الصيف ألف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيييييييييييل .. ويا عيني على استخدام التقنيه .. ورقة المقاضي صارت من العصر الحجري ..

الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس

وما قطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه

مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه

منقوووووووووووووووووووووووول

لـ نسخ الموضوع والاستفادة منه استخدمي هذا الرابط :
خخخخخ ...معاناة زوج ... خطيييييييييييره لاتفوتكم
http://www.brooonzyah.net/vb/t43318.html

ايف ارابيا ،،، موقع ازياء ومكياج للنخبة ،،، الصور في الموقع جريئة جدا

اقسم بالله اني بنت*رورو* · 09-03-2009, 11:38 PM

ههههههههههههههههههههههههههههههاااااااااااااااااااا ااااااااااي
الله يسعدك ياميما والله انه بايعها ذا الر جال اما كنافه نصابه شي خخخخخخخخخخ
يالله الله يعينه شوفي كيف يدققون الرجال يبغى مثل خواتها هع هع
يعطيك الف عاااافيه عالفرفشه

ميماااا · 09-03-2009, 11:40 PM

الله يعاااافيك
شرفني مرورك

ملامح كتكوته · 09-04-2009, 12:23 AM

ياهاهاهاهاهاهاهاهاهاهااااااااااااااااااااااااااااا

صدق معاناه ... بس تبين الصراحه يستاهلون الرجاجيل ما ينعطون وجه..

واذا عطيناهم الوجه شافو نفسهم .. ..ذيك الساعه لا مكرونه بالباشميل

ولا كنافه نصابه ههههههه>>>>اقصد كذابه

مشكوره ......حبيبيتي

ميماااا · 09-04-2009, 12:26 AM

العفوووووووووو حبيبتي
شرفني مرورك

الإمبراطورة · 09-04-2009, 02:35 AM

واخرتها مانلقاعلى السفره الا كبسه وان سوينا نفوسنا كنديين حطينا فجل
حللللللللللللللللللوة

يعني كنافه كافره وبتروح النار ضحك قال قصدك كنافه كذابه
حلللللللللللللللللوتين

والقا لوحه مكتوب عليها ( السلطه 60 كلم )
تلقى تقاطع بين ورق العنب وبين الفطاير اول لفة يمين جنب الكستر

يسلموووووووووووووووووووووووو
ميما رووووعه بس عساك ماتسوينها؟؟

رائعة القلب · 09-04-2009, 06:19 AM

ههههههههههههههههههههه
ضاربه فيوزه ذا الرجال
يسلموو ميماااا على الموضوع

مجــــرد احســـــــــــاس · 09-04-2009, 07:08 AM

هههههههههههههههههههه
يعطيكـ العافيه ميمااا

ميماااا · 09-04-2009, 07:21 PM

العفوووووووو حبيباتي
مروركن شرفني
بروووووطه .. افاااا وانا بنت ابووووووووووي لا حشاااا ما اسوووويها خخخخخخ

**ندى المطر** · 09-04-2009, 10:42 PM

اقتباس:

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه

ههههااااااااااااي يهبل ذكرني بسالفة المندي طحت فيه كل يوم أسويه لين كرهوا شي إسمه مندي والحين لو يموتون ماسويته طفشت خخخخ

اقتباس:

الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض !!!

هههههههه يكسر الخاطر

الله يعطيكـِ العافيه ميمتي < أدلعكـِ هع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديدي بلايزكشخه وملابس دلع لاتفوتكم	بنوتةامورة	منتدى الأرشيف والمواضيع المكررة	3	10-25-2011 12:37 AM
لعبه خطيييييييييييره مره	تهون الدنيا لعيونك	منتدى الالعاب و المسابقات	73	12-08-2010 02:21 PM
مفارش خطيييييييييييره	داااانةالدنيـا	ديكورات و اثاث المنزل	11	08-24-2010 09:09 PM
معاناة معاق ((يالها من معاناة	لي إحساس غير هالناس	همس القوافي	7	03-25-2010 07:37 PM
لعبة الخطوط الجويه خطيييييييييييره	@@قمرهم@@	منتدى الالعاب و المسابقات	70	01-09-2010 05:05 AM