عجبتني كثير كثير هالقصيـدهـ..وقـآـت لازم اوريها لبرونزياتي..


يمه بقول لك شي بس لا تعصبين ..//
يمه كتابي بالمدرسه نسيته ..!


ونسيت الالوان ودفتر التلوين ..//
و دفتر الأملاء بالغلط شقيته ..!

و المريول يالغاليه لا تنسين ..//
بالالوان و المزيل وسخته ..!

وانا مع صاحباتي المزايين ..//
يمه صبعي بالمقص جرحيته ..!


بس صدقيني ترى مايعور الحين ..//
لاني في المدرسه بالماي غسلته ..!

و نشفته وحطيت صبغة الايدين ..//
وبلزقه الجروح و الكلينكس لفيته ..!

اكلت العلكة وجبنه لوزين ..//
و العصير ما عجبني طعمة ورميته ..!

ايه يمه ابله العربي الي تعرفين ..//
يمه الجوال منها سرقته ..!


قريت الرسايل المرسله و الجايين ..//
وفيها كلامن كثير ما فهمته ..!

بس والله يايمه تصدقين ..//
بسرعه وبدون ما تحس رجعته ..!

يمه وبقول لك شي بس ابوي لا تخبرين ..//
شعري امس بالمكوى حرقته ..!

و روجك الوردي الي تحبين ..//
يمه خذته معي و في الباص ضيعته ..!

تكفين يا يمه لا تزعلين ..//
لاني روجة الباربي و العطرلك شريته ..!


يمه اسناني تعورني من الصبح للحين ..//
وضرسي الي يتخلخل بالغصب قبعيته ..!

و غسلت فمي و بالماي وللحين ..//
القطن بفمي من الصبح ما شلته ..!

يمه حصة القران تدرين ..//
والرياضيات والعلوم ما حظرته ..!

جلست العب في الساحه مع صابرين ..//
وضيعت شرابي وللحين ما شفته ..!


ورحت مع احمد للمدرسه تصدقين ..//
وكل الي نسيته من هناك جبته ..!

ردفني بالسيكل وسرعنا مثل المجانين ..//
و شرابي الوردي وربي لقيته ..!

وفي طريقنا واحنا ع المحل مارين ..//
وقفته و من يده للمحل نزلته ..!

وهذا الكتكات و السنكرز لا تزعلين ..//
و االببسي والبونتي لك شريته ..!

وترى نص الكتكات لي لا تفرحين ..//
و البونتي والسنكرز لك مابغيته ..!

وهذي هي اللصقه و غرشة الايدين ..//
وترى من غرفة الارشاد سرقته ..!


يمه تعبت من الحكي وبنام هالحين ..//
وبكره اكمل لك الي سويته ..!

اووه صحيح الحليب الي شريتين ..//
تراه انكب بالمطبخ ما غسلته ..!


و صج الكريم و علبه الفازلين..//
و المشط و الشرايط بالكبت خشيته ..!

واخوي الصغير يبكي من جيت للحين ..//
مو راضي يسكت بالعصا طقيته ..!

يمه تكفين بالزعل لا تعاقبين ..//
لان ابوي توي من شوي راضيته ..!

هذا يايمه الي صار لا تكفين ..//
لا تزعلي ترى الزعل عمري ما قويته ..!

ودخلت الطفله في عالم الحالمين ..//
والدموع الي بعينها ما نسيته ..!


نامت الطفله و هي تتمتم الى الحين ..//
يمه السمك ترى للقطو حطيته ..!

يمه المريول اغسليه لا تنسين ..//
و علي واجب لبكره ما حليته ..!

اخذت يمه نجمتين بالدين ..//
واختفى صوتها والباقي ماسمعته ..!

مسحت دمعتها و قبلت الجبين ..//
و شعرها المنثور بيديني جمعته ..!

طفلتي جننت من البشر ستين ..//
و الميه الحين اتوقع وصلته ..!


******

قمرهم روعه رجعتيني ميه سنه وراء يوم شقيت مريولك هههههههههههه

ايام الله يذكرهااااااااااااااااااااا بالخير
تقبلي مرور تؤمك واحمدي ربك اول وحده نورت صفحتك انااااااااا

هههههههههههااااي رهيبه ذي البنت ياكثر مصايبهااااا خخخخ
يعطيك العاااافيه قمرناااا منووووره القسم <<لا عاد تقطعين
عجبني......... البنت هنا مطيحه الميانه ^_^
وترى نصالكتكاتلي لا تفرحين ..//

هههههههههههههه
رووووعه ماخلت شئ بمكانه

ياساتر احس راسي انتفخ من شكاويها..
انا لو مكان امها انجنيت>>يمه لاتزعلين>>ياويل حالي
الظاهر امها طقت وماتت..
يعافيك قموري انبسطنابالقصيده

والله أن ذي البنية تشيب الراس،،،الله يكون بعون أمها!!
ههههههههههههههههههههه
تسلمين يا قمرنا.

عوافي حبايبي....
يسلموو ع المرور...........

هههههههههههههههه مشكورة قمرهم

تسلمين قمرنا....
ياليتها كانت بنتي كان صفقتها...هههههههههه..عبيطه هالبنت.............عوافـــــــــــــــي

هههههههههه رووووووعه
تسلمي غلاتي