السلام عليكم


قبل كل شيء أهني كل العرسان وأقول لهم بارك الله لكما وبارك عليكما وجمع بينكما في خير
بعض النصائح لحديثي الزواج والي عنده زياده الله لايهينه يزود من عنده

أولا:لاتحط في زواجك اغاني عشان ربي يبارك لك في عروستك ...حتى لو ضغطوا عليك النسوان ..اسفههم لايهمونك لأنهم مايحسبون عواقب الأمور...

ثانيا:نسٌق مع جمعيه خيريه تأخذ المتبقي من العشاء -لأنه بيبقى نصف الي حطيت-ويوزعونه على الفقراء والمساكين ...وبذلك تتخلص من الاثم وتكسب اجر ان شاء الله.

ثالثا:لاتكتب في كرت الدعوه ندعوكم لحضور زفاف ابننا الضابط أو المهندس أو الدكتور فلان الفلاني ترى مالها داعي يكفي ولدنا والنعم.

رابعا:لاتروح تزين سيارتك وتحط عليها ورود وتكتب عليها A+M=LOVE لأن هذي برضوا مالها داعي...

خامسا:حاول قد ماتقدر تسافر برى انت وعروستك ولو 10 ايام على الأقل لأن هذي بتكون أجمل ذكريات العمر...وشل من مخك فكرة ابها وجده ..تراها نفس المصاريف

سادسا:لاتصير مطفوق ولاتستعجل وخلك حنيّن والي مايجي اليوم يجي بكره ..

سابعا: احمد ربي على هالنعمه ترى في ناس يبون يتزوجون ماقدروا لأنه مايقدر يزوج من برى قبيلته ومهور بناتهم من 150 الف وانت طالع ...!!!

ثامنا:خلك انسان ذكي ومتفهم شديد ولين ومرح في نفس الوقت ...لكي تنجح في حياتك الزوجيه

تاسعا:هذي للعروسه ...شيلي من مخك الخرابيط حقت التلفزيون المسلسلات التركيه والافلام الاجنبيه ...وارضي بالواقع عشان تعيشين حياه سعيد..

عاشرا: برضوا هذي للعروسه ...خففي المصاريف على زوجك ترى وضع الشباب هاليومين زفت...خصوصا بعد الازمه العالميه

والله يوفق الجميع

ههههههههه
مشكووووووورة ان شاء الله يستفيدون الاخوات

يسلموا ع المرور الطيب
نورتوا الصفحه