لا يتحمّل موقع البرونزية النسائي أيّة مسؤوليّة عن المواد الّتي يتم عرضها أو نشرها في الموقع

اقسم بالله اني بنت*رورو* · 06-27-2009, 09:23 AM

هذي كلمات للشاعر
محمد عويضه اليامي
تحكي واقعه الأليم
7
7
7
الطفوله ..
أحلى مافي هالحياه
مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني ...
بسمه فينا ترتســم
كنـّا نركض
خلف كوره ... ( لا لا أنا ماكنت معهم؟ )
وحدي بس بعيد عنهم ... كنت أنا أضحك عليهم ...
جالس لحالي أهذري... جالس أحسب كم( كوبري )...
صلـّحه( أحمد ) في ( ماجد ) ؟؟
والله واجد!!
وقبل ما يحل الظلام ...
للبيوت نروح نجري ... ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم!
وهم عني يبعدون ...
يبعدون ... يبعدون ...
إلا( ماجد )!
كان مثلي حيل ضايق ...
بس حزنـي كــان حارق
كان يسألني ببراءه : ...
ليش تعرج ؟ ... قلت مادري ! - باستياء -
ليش تبكي ؟ قلت مابكي - بكبرياء -
ضاق مني ...
ثم سألني في غباء ...
قال ( وثرايك تـثــابق )؟
وراح عنــّــي ... !!
كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش
بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله...
كل شيٍ أجهله ؟
وإن تعبت من الإجـــابه...
أحظن الحيـــره وأنام .
مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز )!
يعني بيني وبينكم
مليون حاجـــز !!!
صدقوني ذي حقيقه ...
لا طلعت السوق ... كل ما أمشي دقيقه
القى كل شوي أبله !
يمشي ويناظر صديقه ...
ويغمز له
يقول : ناظر...!
وش يناظر ؟؟
وتتفجّــر في خفوقي
ألف ضيقه
ووحده في وسط الزحام ....
طالعتني باهتمام ...
بنت في عمر الزهور ... أي رشاقه ... وأي أناقه ....
وأي عطـــور !!
قلت في نفسي ياهووووه
هي تناظرني بغرام ؟ أو هي نظره والسلام
؟
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت
...
لي قصيده ...
كنت ناشر معها صوره
بس صوره ... ياسلااااا م
وفاجأتني ...
لمـّا صارت لي قريبه ... كانت تـتمـتم بطيبه
{يكسر الخاطــر حـــرااااام ) !!!!!
وتركت دمعه غريبه ...
وضاعت بوسط الزحــام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظــات وأقسى
لاغدا الرجـّــــال يكسر ... خاطر انثى
كيف ينسى ؟؟؟
جاوبوني !
وزاد همّــي ...
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لا
... وعلى بنــد الأجـــــــور ....
ماهو رسمي !!!
صدقوني لو تدرّج ... وصار راتبه ايتصاعد
وابتــدا وضعه يزين
ما أظنه بيتزوّج ... حتى لو بعد التقاعد
>>!
>>وفي النهــايه ...
يابلــدنا... مهما كانت( تسميتـنا )
عاجزين ...( معوّقين )
لك عهدنا... وذا قسمنا:
>>
أقسم بالله العظيم ... منزل الذكر
الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصنٍ حصين
إنتي ناديني وشوفي ... لا نويتي بالجهــاد
والله أقهر لك ظروفي ... دامك إنتي لي بــــلاد
وباسم كل العاجزين ...
دام فينا أصبع يطول الزنـــاد
لا يهمــّـك يابلادي ...
وازهليهــــــــا

منقول

لـ نسخ الموضوع والاستفادة منه استخدمي هذا الرابط :
طفولة معاق رووووعه
http://www.brooonzyah.net/vb/t37212.html

ايف ارابيا ،،، موقع ازياء ومكياج للنخبة ،،، الصور في الموقع جريئة جدا

**ندى المطر** · 06-27-2009, 04:19 PM

الله كلمات معبرهـ وكلمة روووعه قليله عليها الله يعطيكـِ العافيه على هالنقل

دنيا مالها صاحب · 06-27-2009, 05:05 PM

رووووعه روووووعه رووووعه رورو
اختيارك يعجبني لاتحرميننا من جديدك

~~!؛"؛!اقــــدار الزمــــان!؛"؛!~~ · 06-28-2009, 11:08 AM

يعافيك رورو>>>والله شهادتي فيك مجروحه>>تسلم لي يدك اللي نقلته..

عصفورة الصباح · 06-28-2009, 02:51 PM

يعطيك العافية رورو
كلمات تحكي الواقع الاليم لاي طفل معاق
بس كلنا نعرف ان الاعاقة الحقيقية في النظرة السوداوية للحياة ووجود الاعاقة في اي شخص مهما كان نوعها لا تعني نهاية الحياة..

اقسم بالله اني بنت*رورو* · 06-28-2009, 04:00 PM

كلنا نعرف ان الاعاقة الحقيقية في النظرة السوداوية للحياة ووجود الاعاقة في اي شخص مهما كان نوعها لا تعني نهاية الحياة..

شموخ انثى · 06-29-2009, 05:56 PM

قطعت قلبي
مشكوووره يالغلا

ஐღ๑ ◦˚توته˚◦ ๑ღஐ · 06-30-2009, 10:37 PM

مشكوووووووووووورة يارورو

#عاشقةولكن# · 07-05-2009, 05:22 AM

رووووووووووووووووووعه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طفولة الشباب و ..	لنبضاتي حكاية	قسم الضحك و النكت و الالغاز	10	07-27-2011 06:21 PM
طفولة معذبة ..!!	(هديل المحبة)	منتدى القصص و الروايات	4	08-05-2010 01:14 PM
طفولة اوباما	وردشان	الامومة و الطفولة	2	02-17-2009 12:47 AM
طفولة شاحبة	سما	الامومة و الطفولة	4	04-17-2008 02:13 PM