.ExternalClass .EC_hmmessage P{padding:0px;}.ExternalClass body.EC_hmmessage{font-size:10pt;font-family:Verdana;}

فإن الحريم في المنزل يعلنون حالة الطوارئ في اليوم الموعودفتلقاهم صافين طابور عند باب الحمام ..
من أجل أخذ دش بارد

لانهم مؤمنات بالقاعدة الفيزيائية
التي تقول : ان الاجسام تتقلص بفعل البرودة

*******************


ثم يهبون الى غرفة العمليات فتحصلهم مايخلون مراية في
حالها

فتلقى منيرة عند مراية التسريحة تتمكيج

وخلود عند مراية الدولاب تركب عدساتها

ورقية عند مراية المدخل حق البيت تسشور شعرها

وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ





ورغد تترجى اخوها :
تكفى ود فستاني للمغسلة وقول لهم يخلونه مستعجل





و ابتسام متوهقة ما لقت الحلق اللي يناسب لون فستانها

و شوق تقول لاخوها : تكفى مر على جارتنا و خذ من عندها الاكسسوار التفاحي

وأحلام..!!! انفرط سحاب فستانها
وتبي الخياط يصلحه

والله من السمنة الزايدة

*****************

وصجة .. ولجة .. وحوسة ...

وكلهم في سباق مع الزمن ..


طبعا ياعيني عالرجال
ثوب وشماغ .. وانتهت السالفة

ياحظهم


********************* ***************

بعد ذلك ..
يركبون السيارة بعد ما بح صوت ابوهم

وهو يناديهم

والمصيبة اذا اخذوا مسافة بالسيارة

وجتك فاطمة تشهق شهقة قوية .. ويقولون : اشفيييييك
وترد عليهم : نسيت شنطتي تكفى يبه رجعنا للبيت
طبعا فيها الجوال اللي مانستغنى عنه اللي كل وحده تعتبر جوالها ولدها

************ ********


وبعد عناء طويل يصلون الى القصر ويدخلون
برضو ساااعه عندالمرايه وكل وحده تسال الثانيه امانه كيف شكلي حلو ؟
واماااانه فستاني زيين باين انه فخم ؟؟ وناخذ نص ساعه حلفان وايمانات
واخيررررررررررا تم الدخول مع عدم الثقه بالنفس

******************


ومن يوم تبدأ الطقاقة بقرع الطبول تلقى الوحدة تهزّ ..
وتهتز وهي لسّه باقي على الكرسي


**********************

ثم يتوافدون إلى المسرح وشف الرقص كيف


اللي تحط رجلها من شرق المسرح الى غربه ولا احد يدري وش بلاها



**********

واللي تهز وهي واقفة مكانها بركادة .. وعلى بالها أنوثة


******************


وتعال شفهم اذا غنت الطقاقة .. > يالتاكسي

وقالت : وخذ يمين وبعد يمينتلقى الحريم فعلا ماخذين اللفة يمين في يمين

طبعا من غشامتهم .. يتصاقعون في بعض

************


والوحدة فيهم بتتشقق من الفرحه اذا جت الطقاقة بجنبهاوقالت :
يا احمر يا احمر .. عاشو .. على قلبي

طبعا الافندية فستانها احمر

*****************


وتلقى ثنتين هناك يرقصون نفس رقص العراقيات في عرب شمّر
وطبعا العجايز منصدمات .. ومافيه الا قوة دعاوي على هالبنات

دخلت مزاجي(قوة دعاوي)كأني شايفه الموقف
**************


واذا جت اغنية مصرية

تلقى الاغنية والايقاع في وادي ..
والرقص في واد آخر الا من رحم الله

<< واللي تعرف ترقص مصري ..

تلقى البنات يتشحثونها تقوموهي ترفض

وتتشحط علينا على بالها فيفى عبدو
طبعا من حقها .. تخاف يصكونها
بعين على كيفك

***********


والوناسة اذا قالت الطقاقة : رقصة خاصة لاهل العروستلقاهم يستلجون اذا قالت :
( كل آل ' فلان ' خيّالة )


<<< وهم في الحقيقة .. لم يركبوا حصانا قط ..

هذا نقل بسيييييييييييط
من فيكم زينا يسوون حاله طؤارئ ف الزواجات هههههههههه
تحيــــــــــــــــــــــياتي لكم:
ام توته

هههههههههههههههههه كنك في بيتنا
بس انا اسوي زحمة لحالي لازم احد يركب لي العدسات >ماعرف
واذا دخلنا القصر الي يشوفنا يقول هذول رززززززه وبس تجي اغنية دقها يرج خصوصا ابو صالح سرى ليله هل الدمع طنطقطقطق نقوم ونعدم ابو البرستيج خخخخخخ
ولاتنسين اذا رجعنا من القصر كل وحدة تغير في شكلها وتقول لو سويت كذا ماكان احلى
صدق ياحظ الرجاجيل
يسلموا ام توته

حتى انا يابنات مااحب ارقص احس الر قص بلاهى
والمثل يقول من رقص نقص
والرزه زينه ههههههه

الله يعطيك العافيه

مشكورين بنات على مروركم

ههههههههههههههههههه الله يرج ابليسك ام توته منجد هذا حالنا
,,,,,,,,,,,,,,,,,,,,,,في الزواجات وفي العزايم وبكل مكان دايم احنا حايسين
تقبلي مروري يالغلا,,,,,,,,,,,