لا يتحمّل موقع البرونزية النسائي أيّة مسؤوليّة عن المواد الّتي يتم عرضها أو نشرها في الموقع

Angeles_of_Love · 01-26-2009, 03:19 PM

حاسة إن وشك مش متناسق
وإنك ممكن تكوني أحلى وأجمل من كده
بس مش عارفة إيه السبب؟!
ولا يهمك من أي حاجة خالص

لأننا دلوقتي حالا هنقولك على السبب

شوفي يا قمر السبب في كده هو إنك أكيد مش مهتمة بشكل حواجبك وده لأن الحواجب المرتبة المتناسقة مع بعضها بتدي للوجه مظهر أنيق على عكس طبعا الحواجب غير المترتبة وغير المتناسقة مع بعضها.....وأكيد طبعا أنت زي كل البنات بتخافي إنك تروحي للكوافير علشان البنت بتعمل لك بسرعة جدا وأنت بشرتك مش بتستحمل أو لأنك مش فاضية تروحي كل يوم والتاني للكوافير.
طيب إيه رأيك لما تبدئي بنفسك تنظفي حواجبك في البيت بنفسك وتشيلي منها الشعيرات النامية على جنب علشان مظهر حواجبك يكون حلو وبكده تضمني إنك تخلي شكلهم وحجمهم زي ما أنت عايزة..
وعلشان محدش يفهم كلامنا غلط إحنا بنأكد إننا عايزينك تنظفيهم من غير ما تغيري شكلهم يعني من الآخر كده من غير ما ترفعيهم ولا تعمليهم تمانيات ولا سبعات ولا ترسميهم علشان ماتدخليش في حرمانية يعني من الآخر كده العملية هتقتصر على عملية تنظيف بسيطة تقومي أنت بيها بنفسك.

أكيد مش مصدقة إنك ممكن تعملي كده
لا صدقي ودلوقتي هتشوفي إزاي؟!

الأدوات اللي هتحتاجي لها..

-1-

مرآة كبيرة أو مرآة مكبرة تحطيها بالقرب من أي مصدر ضوء زي مثلا بجوار شباك أو لمبة علشان تعكس الضوء على وجهك وتقدري تشوفي أي شعر صغير موجود حوالين حواجبك.

-2-

الملقاط بس خدي بالك إنه يكون طرفاه محكمي الإغلاق على بعضهما ومفيش فيهم أي خدش علشان يساعدك تشيلي الشعر من غير ما تحسي بأي ألم أو يسبب لك أي خدوش أو جروح على جلدك.

-3-

مقص حواجب وده بيكون صغير ورفيع وهتستخدميه في حالة واحدة بس وهي إنك تقصي شعر الحواجب في حالة لو كان الشعر ده فعلا طويل ومحتاج يتقص.

-4-

فرشاة للحواجب ودي بتكون عبارة عن فرشاة صغيرة الحجم ولو مش عندك ممكن تجيبي فرشاة أسنان قديمة أو فرشاة ماسكرا قديمة وتنظفيها جيداً وتستخدميها في تمشيط شعر حواجبك.

-5-

"بودرة تلك" أو "طبق فيه قطع ثلج" أو "ميه ساقعة" ودول هتحتاجي لهم بعد ما تخلصي عملية التنظيف وفايدتهم إنهم هيساعدوكي على ترطيب بشرتك بعد ما تخلصي الموضوع ده لأن فيه بنات كتير بشرتهم حساسة جدا وممكن تتعرض للالتهابات علشان كده بننصحهم يحطوا بودرة التلك على جلدهم أو يمرروا قطعة ثلج على جلدهم أو يغسلوا وجههم بالميه الساقعة علشان يتخلصوا من أي التهابات أو احمرار ممكن بشرتهم تتعرض له بعد عملية إزالة الشعر الزائد.

بعد ما جهزتي كل الحاجات دي دلوقتي حالا هنبدأ
مع بعض خطوة خطوة عملية تنظيف الحواجب
نشوف مع بعض

الخطوة الأولى

أول وأهم حاجة المفروض تعمليها هي إنك هتقفي قدام المرايا وتبصي لحواجبك كويس وده علشان تعملي دراسة لشكل حواجبك وتشوفي أنت عايزة تشيلي إيه بالضبط وممكن ترسمي بالقلم الأسود خط على المكان اللي هتشيلي منه الشعر....بس خدي بالك كويس إنك لو حاسة إنك مش هتقدري تظبطي لنفسك الموضوع ده يبقى ممكن تروحي الكوافير وتنظفي حواجبك هناك أول مرة وبعد مرور أسبوع تبدئي بنفسك في إزالة الشعر اللي لسه طالع أول بأول بنفس الطريقة اللي بنتكلم عليها دي.

الخطوة الثانية

هتبدي تدهني حواجبك أو المنطقة المجاورة للحواجب بأي نوع كريم عندك بس خدي بالك إنك تحطي كريم على خفيف وده فايدته إنه بيسهل عملية إزالة الشعر، بعد كده هتجيبي فرشاة الحواجب وتبتدي في تمشيط حواجبك إلى أعلى وتجيبي الملقاط وتبتدي في إزالة الشعر الموجود أسفل الحواجب بالراحة وبأكد كلامي تاني لازم تكوني متأكدة إن ده فعلا الشعر الزائد عن الحواجب نفسها اللي أنت عايزة تشيليه وده لأنك لو شلتي شعرة بالغلط فدي هتغير من شكل حواجبك وهتاخد وقت طويل حوالي أسبوعين على ما تطلع تاني...

ويا ريت تبتدي بالشعر الزائد الموجود أسفل الحاجب وبعد ما تخلصي تبتدي تمشطي حواجبك إلى أسفل وتشيلي الشعر الزائد الموجود أعلى الحاجب، وبعد كده تبتدي في تمشيط حواجبك إلى أعلى وتقصي الأطراف بشكل متساوي وبعد كده تمشطيها لأسفل وتقصي الأطراف من أسفل..وبكده تبقي أنت خلصتي.. أعتقد إنه موضوع سهل ومش هياخد منك غير ربع ساعة وبس.

وعلشان أكون عملت كل اللي علي

وعلشان أكون عملت كل اللي علي في الموضوع ده عايزاك تكوني حاطة في بالك الكام نقطة دول:

1- أحلى حاجة في الدينا أن يكون لك شكل خاص بك علشان كده مش عايزاك تقلدي حد وتختاري رسمة حواجب زي حد وده لأن كل بنت لها شكل خاص بها وطبعا شكل الحاجب الأصلي هو المناسب لعينيك ولوجهك.
2- إن موضة الحواجب الرفيعة اللي على شكل 8 واللي انتشرت منذ فترة اختفت تماما والحمد لله إنها اختفت وده لأنها كانت بتدي للبنت شكل أكبر من سنها علشان كده عايزاك دايما تبقي عارفة إن الحواجب الرفيعة بتخلي الوجه يبان كأنه أكبر سناً لكن الحواجب العريضة نوعا ما بتدي الوجه شكل أجمل وأحلى.
3- أحسن وسيلة لتنظيف شعر الحواجب هي الملقاط والفتلة واوعي تسمعي كلام أي حد يقولك استخدمي "الشمع" أو "السويت" وده لأن الاثنين دول بيكونوا السبب في ظهور التجاعيد في سن مبكر في جلد الوجه بالذات.
4- لازم تهتمي دايما بحواجبك وده عن طريق تسريحهم بفرشاة الحواجب اللي عندك في البيت،كمان ممكن تجيبي قطنة فيها زيت الخروع وتمسحي بيها حواجبك.. كمان لازم تهتمي بتنظيف حواجبك بالمستحضر اللي بتسخدميه في إزاله الماكياج من العينين وده علشان تتخلصي من أي تراب أو غبار ممكن يتراكم في شعر الحواجب.
5- خدي بالك إن أفضل وقت تقدري تشيلي فيه أي شعر زائد هو بعد الاستحمام مباشرة وده لأن الجلد في الوقت ده بيكون رطب وهيساعدك تشيلي الشعر من غير ما تحسي بأي ألم.

لـ نسخ الموضوع والاستفادة منه استخدمي هذا الرابط :
جمالك من جمال حواجبك
http://www.brooonzyah.net/vb/t28118.html

ايف ارابيا ،،، موقع ازياء ومكياج للنخبة ،،، الصور في الموقع جريئة جدا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جمالك سيدتي يكمن جمال شعرك ___تفضلي	(بنت مكه)	سوق الازياء و الملابس و الفساتين	11	10-26-2009 02:52 PM
اظهري دلالك و جمالك مع هذه الفساتين	شمس النهار	منتدى الازياء	3	12-02-2008 01:23 PM
جمالك سيدتي ، حمام كليوباترا ، حمام بخار الاعشاب المنزلي	رعش قلبي	الاستشارات الصحية و الطبية	0	09-18-2007 09:09 PM