لا يتحمّل موقع البرونزية النسائي أيّة مسؤوليّة عن المواد الّتي يتم عرضها أو نشرها في الموقع

ريحة المسك · 07-06-2008, 09:30 PM

مواقف مضحكة للمتزوجات

السلام عليكم ورحمة الله وبركاته
أكيد كل وحده منكم انتوا يالمتزوجين مريتوا ببعض المواقف في سنه أولى زواج..
هذي بعض المواقف إللي صارت لاخواتنا في الله..

أولاً
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين

ثانياً
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
وهي خلاص دوروها مسكينه ما تلقونها

ثالثاً
في وحده شعرها دايم يحتاجله ستشوار مهو بناعم المهم الأستشوار احترق مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه

رابعاً
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
فطارت الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

خامساً
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!

سادساً
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها

سابعاً
بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
ثامناً
هذي وحده تقول اول ما تزوجت كنت ادرس وكان يوديني زوجي للجامعه وياخذني ..
المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي !!

وأخيراً
هذا الموقف قرأته بمجله .. وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين!

طبعا كل هالمواقف ملطوووشين

لـ نسخ الموضوع والاستفادة منه استخدمي هذا الرابط :
مواقف مضحكة للمتزوجات
http://www.brooonzyah.net/vb/t21597.html

ايف ارابيا ،،، موقع ازياء ومكياج للنخبة ،،، الصور في الموقع جريئة جدا

تفداك روحي · 07-07-2008, 03:41 AM

مواقف تضحك وفعلا تصير بس
بعدين تكون احلى ذكرى
ليلة الدخله رحت ابدل وجيت
وفجاااااااااااااه الاقي واحد ربي
كما خلقتني (متفصخ) خلاااااص
انا بنزل راسي خايفه من اللي شفته
ولا بضحك 000ما قدرت احط عيني
فعينه شهر 00
لا وكله كوم ودورة المياه كوم ثاني
الوحده منا توها متزوجه تستحي
تدخل الحمام وتطلع صوووووووت
(انتو فاهمين قصدي) والله وزوجي
ماعنده خبرررررررررر
وانتي ريحة المسك خبرينا عنك

خجل العذارى · 07-07-2008, 02:08 PM

هههههاااااااااااي بجد مواقف تضحك

ريحة المسك · 07-07-2008, 04:45 PM

تفداك روحي لابد من الاحراج يعني
ههههههههههههههه
لاكن صحيح ليلة الدخلة لا تنسي
لاكن الحمدللة انا اول ليلة كانت عشا
وسوالف وضحك ونا نفسي طايرة
وشوفة يضحك وقول اكيد لك نفس تضحك
وتسولف
وتذكر فية كاستين فراولة
شربها كلها كل ما يقلي اشربي اقلة مالي نفس مالي نفس
وتذكر قالي اعطيني بوسة
قلت لاااااااااا اصيح ترا
هههههههههههههههه
قلي خلاص ما ابغي
يفكرني بحن علية
ههههههههههههههههههههههههه
وبعد هذا قلي كلمة ريحتني
قالي اكرام الضيف 3 ايام
علي طول قلت كفووو
خخخخخخخخخخخ

عفتي سر رفعتي · 07-07-2008, 06:46 PM

هههههههههههه والله روعه تسلمي

شموخ انثى · 07-10-2008, 04:12 AM

هههههههههههههههههههههههههه اشياء مررره تضحك الله يسلم يدينك على هالطش...
والله يخليلك زوجك يارب ويسخركم لبعض ولا يحرمكم من بعض..

روان · 07-14-2008, 01:37 AM

ماشاء الله دمكم عسل

رجاوي · 08-22-2008, 05:41 AM

ههههههههههههههههههههه والله مواقف روووووووعه يسلموووووووو

ذات العيون الملونة · 08-22-2008, 03:41 PM

مواقف مضحكة وتخجل
الله يعين(هههههههههههههههه)

ஐღ๑ ◦˚توته˚◦ ๑ღஐ · 10-17-2008, 04:28 AM

الله يخليك غيرتي الجو علي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مواقف مضحكة	البرنسيسه فوفو	منتدى الصور	1	02-26-2011 03:21 PM
مواقف مضحكة عن البنات!	حياتي غلاتي	منتدى الالعاب و المسابقات	14	05-01-2010 12:45 PM
مواقف مضحكة للعوضي	الإمبراطورة	المنتدى الاسلامي	12	08-03-2009 01:36 AM
مواقف محرجة، مواقف غريبة، مواقف مضحكة (صور)	رعش قلبي	منتدى الصور	15	06-06-2008 06:44 PM