لا يتحمّل موقع البرونزية النسائي أيّة مسؤوليّة عن المواد الّتي يتم عرضها أو نشرها في الموقع

$؛،لجين$؛، · 07-01-2008, 06:52 PM

نقلت لكم قصة من منتدى
آخر أعجبتني
ليــست عن حب ولا عشق ولا بكاء بل تتحدث عن ذلك لكن بطريقة مختلفة
ترجمتها اخت لنا في احد المواقع الأسلامية

ولهذه القصة حلقات متسلسة
أرجوا المتابعة والأنفعال مع القصة
........................................

لـ نسخ الموضوع والاستفادة منه استخدمي هذا الرابط :
انت حي ولا عايش ؟؟
http://www.brooonzyah.net/vb/t21345.html

ايف ارابيا ،،، موقع ازياء ومكياج للنخبة ،،، الصور في الموقع جريئة جدا

$؛،لجين$؛، · 07-01-2008, 06:53 PM

ريشة فى مهب الريح

في يوم من الأيام.. مرت علي لحظة ما أنساها أبدا..
كنت في ثاني اعدادي تقريبا..
خلصت الدراسة.. و جات اجازة الصيف..
و في يوم لقيت نفسي في غرفتي لحالي..
و جا في بالي خاطر
سؤال اول مرة اسأله لنفسي...

انا انخلقت ليش؟..
انا شسوي في هذي الدنيا؟
فكرت كثير.. و حاولت الاقي اجابة..
و لكن.. عجزت..
فبكيت..

ما أنسى هذه اللحظة أبدا..
كنت مثل اغلب الناس .. عايش .. ريشة في مهب الريح..
لا أدري لم خلقت.. ليس لي هدف في الحياة غير اني أخلص سباق الخيل اللي انا فيه.. الدراسة..
عشان كذا لما حاولت اتخيل وش فيه بعد الدراسة
مالقيت شي... لقيت هوة عميقة.. فراغ..
انا وين رايح؟ .. ماني عارف..
من يومها بدأت ابحث..

و سبحان الله.. متمثل ليما الحين لقول النبي للصحابة رضوان الله عليهم :
"تجدون على الخير أعوانا.. ولا يجدون على الخير أعوانا"

ان شكثر الطريق كان طويل و صعب
شكثر الواحد تخبط ؟! .. واجد لغاية ما وصل للي كان يبحث عنه
بالرغم من انه كان قدامه..

وشو اللي كنت ادور عليه؟؟؟
وشو اللي كان خانقني؟؟؟

اللي كان خانقني اني عايش.. ماني حي..
جسمي يتحرك.. عايش. ماشي في الدنيا..
لكن الروح.. مخنوقة.. تحتضر.. ماهي لاقية اللي يحييها..
و ساعتها .. حمدت الله.. و حزنت على ما مضى..
قلت ياريتني أيامها كنت عرفت اللي انا اعرفه اللحين..
ياريت السنين الطويلة اللي فاتت من عمري هذي كانت لله..

ياريتيني قدرت أسوي شي يستخدمني بها الله للتمكين لهذا الدين..
لكن بعد شوي.. قلت لنفسي.. اذا كان كان الطريق أخد مني سنين..
و انا مازلت على الطريق..
و اذا كان الزمن ما يرجع لورا..
ليش ما اوفر على غيري الوقت و المجهود..
ليش ما اشرك غيري معي في الرحلة اللي مشيتها..

رحلة ممكن تغير حياتك كلها.. الى الأبد..
رحلة.. راح تتعلم منها كيف تبقى "حي".. مو "عايش"..

ليش هو فيه فرق؟؟ :g:

$؛،لجين$؛، · 07-01-2008, 06:54 PM

هو فيه فرق بين حي وعايش؟؟ :g:

ما الحي هو العايش.. و العايش هو الحي..
و الفول من الطعمية و الطعمية من الفول.. :boxed3_h4
لا يا عمي..
من ذاق عرف..
ماراح تحس بمعنى الحياة الا لما تحيا..
فيه ناس ممكن تكتب مجلدات في وصف طعم العسل..
لكن هل هذا يغ*** عن انك تذوق طعمه بنفسك؟..

عشان كذا مهما كلمتك عن الحياة.. ماراح تستوعبها غير لما تجربها..
و لكن ممكن اقربلك الصورة باني اوصفلك الأستاذ "عايش" شنهو وضعه بالضبط..

انت تعرف الأستاذ عايش؟؟ :blink:

الأستاذ عايش تصرفاته كلها ردود أفعال
اي مشكلة تحصل..على طول يدور على اقرب شماعة
عشان يعلق عليها هذي المشكلة ..
يرمي المسئولية على أهله..على مدرسيه او دكاترة الجامعة
على جيرانه..على أصحابه..
أو على الحكومة.. المهم أي حد غيره..
لأن الأستاذ عايش يا مسكين .. دايما ضحية.. الدنيا تضرب فيه من كل صوب..

الأستاذ عايش يهرب من أي مسؤولية فراره من الأسد..
عايش.. مقضيها بالطول و العرض..
يجوع.. ياكل.. :essen:
حد يهاوشه.. يتهاوش معاه.. :bruce_h4h
يبغي يسوي اي حاجة في اي وقت.. حتى لو عارف انها غلط
يسويها .. يكفي انه "يبغي" يسويها..

و الأستاذ عايش عايش بظروفها لحد ماتنفرج..
ماعنده خطة ..يتجنب الأهداف بأي ثمن..
مايفكر في بكرة نهائيا..

و ليش يفكر في بكرة؟
يا عمي عييييش حياتك.. هو احنا بنعيش كم مرة؟ :brows:

و الأستاذ عايش أكتر حاجة يكرهها في حياته هي
"لا تؤجل عمل اليوم الى الغد"..:doh:
عشان كذ دايما يؤجل عمل اليوم لين السنة الجاية..
بعد ما يخلص مشاهدة الفيلم اللي شافه مليون مرة من قبل
و يخلص المسلسل الساعة 8 ابو 35 حلقة.. و بالمرة بعد يخلص المسلسل المدبلج ابو 3000 حلقةو يقضي السهرة على الإنترنت او التليفون أو على القهوة..
و طبعا.. صلاة نقر .. قرآن سريع .. إسلام مافي معلوم بابا..

اكمل لكم سواليف الأستاذ عايش المره الجايه ان شاء الله

ريما · 07-01-2008, 09:48 PM

انتضرك

مثلي قليل · 07-02-2008, 10:24 AM

روعـة انتظرك

نسيم الفجر · 07-03-2008, 01:35 AM

روعه بس لازم تكملينها لأنها جذبتني تكفين كمليها في اسرع وقت ممكن

$؛،لجين$؛، · 07-03-2008, 01:55 AM

مشكوريــــن لتفاعلكم
..........................

$؛،لجين$؛، · 07-03-2008, 01:58 AM

ولعيون اغلى برونزيات أكمله
الأستاذ عايش مبدأه
"أنا و من بعدي الطوفان"..

يا إما "علي و على أعدائي"

حنا عايشين في غابة يا بابا
انا اعطي معلومة فهمتها لزميلي في الصف او المدرج؟؟ :blink:
انا اتعب و الخص الدرس او المحاضرة و اعطيه على الجاهز كذا؟؟
ليه ان شاء الله؟.. هذا انا اللي تعبان فيها.. :mf_bookre

و الأستاذ عايش مؤمن تماما انه انخلق بفم و لسان
عشان كذا لازم يستخدمهم.. :ranting:
لازم هو اللي يتكلم الأول.. خذوهم بالصوت..
مبدأه.. اني أقول اللي عندي كله الأول
و ما أعطي فرصة لحد يتكلم.. و بعد ما اخلص..
اسوي نفسي باسمعه و خلاص

و الأستاذ عايش مؤمن تماما ان العمل الجماعي هذا للعالم اللي عقلهم و مستواهم على قدهم
أما العالم العباقرة اللي مثله :pimp:
ما يعرفون يشتغلون غير لحالهم .. ليش يساعدون غيرهم اساسا؟؟

الأستاذ عايش ماهو فاضي.. ماعنده وقت يذاكر
ماعنده وقت يطور نفسه.. ماعنده وقت يقرا كتاب جديد...

الأستاذ عايش خنقة الصراحة
مشروع كارثة انسانية

المره الجايه راح اكلمكم عن اخوكم الأستاذ حي

$؛،لجين$؛، · 07-03-2008, 02:00 AM

الأستاذ حى

أما الأستاذ حي
الأستاذ حي هذا هو حضرتك .. لو مشيت معانا في رحلتنا
و طبقت اللي راح نسويه مع بعض

هل الموضوع شكله بعيد أو مثل مايكون شطحة مبالغ فيها؟
ناس واجد قابلتهم و كانوا في الأول خايفين شوي.. و ماهم مقتنعين بهذا الكلام ..

لكن مع الوقت..لما مشوا في الطريق.. كانوا في حالة انبهار تام من اللي قدروا يحققونه فعلا..
واللحين جا دورك.. تعيش معانا التجربة هذي..
تعيش معانا الرحلة هذي..
رحلة التغيير
رحلة.. أوعدك انها بإذن الله.. راح تغير حياتك..

النجاح.. و السعادة.. ماهي صدف تحصل في حياة بعض الناس..
و ماتحصل في حياة ناس ثانيين..
و لكن.. النجاح.. و السعادة.. والحياة الطيبة..
ما هي الا نتائج طبيعية و متوقعة لمقدمات واضحة و خطوات حنا نقوم بها بأنفسنا..
خطوات راح نتعلمها مع بعض..
عشان اثبتلك ان النجاح و السعادة.. ماهم صدفة..
بل أصبح النجاح فن و علم في زمانا هذا.. و لكن للأسف.. ابرز من كتب في هذا العلم ناس من الغرب.. و حنا خذنا منهم العلم هذا و ترجمناه مثل ما هو..

قليلين اللي حاولوا انهم يردون المفاهيم اللي فيه الى أصولها..
الى الإسلام..
فكانت النتيجة ان عندنا فريقين..
فريق يركز على ان النجاح هو ان الواحد يكون متدين و ملتزم في عباداته.. و بس..

و فريق يتكلم عن النجاح في العمل و الحياة و المجتمع..
بعيدا عن الدين.. بدون ربط الحياة بهدف أسمى ..
و هو ارضاء الله.. و خلافة الله في الأرض..

فيه ناس كانوا سباقين في انهم حاولوا يوصلون لرؤية أكبر بانهم يجمعون الاثنين..

فكان من الرواد في هذا الموضوع الشيخ "محمد الغزالي"..
لما قرا كتاب "ديل كارنيجي" –"دع القلق و ابدأ الحياة"..
و بدأ الشيخ يرد المعاني في هذا الكتاب الى الأصل عندنا و هو الإسلام..

يا ترى من كان أنجح؟.. :g:

الشيخ الغزالي.. ولا .. ديل كارنيجي؟..

علشان نعرف اجابة هذا السؤال..
خلونا نلقي نظرة على خاتمة كل منهما..

ديل كارنيجي اللي ملأ العالم بكتبه عن السعادة و النجاح..
مات منتحرا..

و الشيخ الغزالي.. اللي أخذ هذه المفاهيم وضعها في اطار رسالة أكبر.. هي رسالة الإسلام..
الشيخ الغزالي ختم الله له حياته بختام نحسبه شهادة..
ولا نزكيه على الله..

شتان بين الخاتمتين..
و شتان بين الرسالتين..

أن تنجح لذاتك..
و أن تنجح.. لله..

و هذا اللي حنا نبغي نسويه ..
كيف نكون ناجحين.. و سعداء.. و لكن.. لله..
كيف نكون.. أحياء..

المره الجايه راح نتكلم عن تغيير النفس
تابعوني

$؛،لجين$؛، · 07-03-2008, 02:01 AM

ماراح أكمل حتى تكرموني بردودكم........؛؛

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللى عايز يضحك يدخل هنا	سارة دلوعة الحارة	منتدى الالعاب و المسابقات	2	08-09-2011 10:49 PM
اللى عايز يضحك يدخل هنا	سارة دلوعة الحارة	منتدى الالعاب و المسابقات	9	02-17-2011 11:51 AM
اللى عايز يضحك يدخل هنا	سارة دلوعة الحارة	منتدى الالعاب و المسابقات	12	02-17-2011 11:36 AM
أنا عايز اضحك : أم رحيق	أم رحيق	منتدى الالعاب و المسابقات	6	08-08-2010 04:56 AM