السلام عليكم مرحبا يا برونزيات انشاءالله تمام على فكره هاي اول موضوع اكتبه في المنتدى المهم انا توني صابغه غرفة عيالي وحبيت افيدكم اول شي راح نحتاج الى 1-ورق لصنفرة الجدران وهو لونه اسود ويبيعونه محلات الصبغ0 2- روله للصبغ وحده كبيره والثانيه صغيره والروله تعتمد على حسب نوع الصبغ لان في صبغ زيتي وفي بلاستيك على حسب النوع اللي تختارينه 3-اسفنج 4-لزقه عريضه (تيب)5-سفره اومفارش قديمه اوبلاستيك خاص لتغطية الارضيات من محلات الصبغ6-سلم صبغ 7-تنر 0 اول شي تصنفرين الجدار يعني تحكين الجدار حك لين مايصير ناعم ولاتنصدمين من كمية البودره اللي راح تنزل وبعدهانظفي الجداربالاسفنج المبلل في الماي وطبعا راح تنظفين الارضيه الحين يجي وقت التيب على اطراف الجدار من فوق علشان الروله ماتملي السقف وعلى الافياش واطراف الباب والشباك انتهينا من مرحله صعبه نبتدي الحين بالصبغ انا اخترت لعيالي لونين السماوي والتفاحي كل جدار لون على فكره انا مساحة الغرفه 4في 4 واستهلكت لكل لون 3 لتر مع تخفيفه بتنر تقريبا 4 كاسات وتخلطينهم مع بعض زين (التنر له فايده ثانيه وهي تنظيف الارضيه بعد الصبغ بعد ماتخففينه بماي ) نسيت اقولكم من ضمن الاغراض اللي نحتاجها وعاء بلاستيكي مستطيل خاص للصبغ راح يفيدك كثير المهم تبتدين بالروله الصغيره على اطراف الجدار والشباك والمكيف والافياش وبعدين بالروله الكبيره تبتدين من كل جدار بجهة اليمين من فوق الى تحت بشكل منظم يعني تقسمين الجدار الواحد الى اربعة اقسام وتحطين الوجه الاول وتنتظرين ساعتين لين يجف وتحطين الوجه الثاني واهم شي لاينزل منك الصبغ ويصير كانه دموع انتبهي على طول مشي عليه الروله ونسيت اقولكم اهم شي بخصوص لبسك البسي اي شي قديم المهم انه بنطلون وبلوزه وشراب وقفاز وقبعه لاني اول يوم ماراعيت هالنقطه وتبهدلت بهدله وطبعا التنر هو الحل عشان يزيل البقع وعلى فكره كلفتني الغرفه 200 ريال يابلاش صحيح اني تعبت شوي لاكن صدقوني التعب راح لما شفت النتيجه معليش طولت عليكم يالله لاتحرموني من تعليقاتكم ومروركم راح اوريكم الصوره في وقت ثاني لاشفت تفاعلكم معاي

شكراا على الموضوع

مشكورة اختي يعطيك ربي العافية

يعطيكي العافية

مشكوره على الموضوع

رائع

والله هاي النسوان الزينة هههههههههههه
تسلم ايدج والله فكرة حلوة حلو الوحدة اسوي شغل بيتها بايدها يكون الها طعم ثاني تسلم ايدج ورينا شغلج حتى نجرب

مشكوووره وربي يعطيك الف عافيه