السلام عليكم اخواتي ..... انا بحرينيه ...لما ازور السعوديه احس ان الاجواء عندكم مختلفه عنا في البحرين 180 درجه
يعني اوضح اكثر .. احس ان عالمكم الخارجي رجالي بكل ما للكلمه من معنى ، طبعا احنا ما نزور احد في البيوت فيومنا نقضيه كله في السياره و الفنادق ، بالسيارات رجال و بالشوارع رجال و اذا تشوف عنصر نسائي فاشوفهم كلهم شكل واحد ما في ولا وحده تتميز عن الثانيه بشي اللهم الاجنبيات .... حتى اذا اتمشى في شوارعكم -طبعا مع زوجي -احس ان صدق احنا غرب و غالبا ما اكون الوحيده المرأه الي تمشي لدرجة اني ما آخذ راحتي و طول الوقت اقول لزوجي وين النسوان؟ عايشين على طول في الخفا يعني عن هذا العالم ؟ بس في البيت تطلع شخصيتها ؟ حتى اذا تكرمون اروح الحمامات في المساجد اطالعهم هناك كانهم مختلفين عن الي كانو في السوق يبدون يتكلمون و يسولفون و انا اطالعهم و فرحانه اني اخيرا شفت مرأه في هذي الزحمه حتى يكون ودي لو اسولف وياهم و أتعرف عليهم بس اكيد بقولون مجنونه و ملقوفه ، ولما اخيرا و صلني النت في البيت و شفتكم في المنتديات و الله عجبتوني ولا تزعلو مني لو قلت لكم اني ما توقعتكم جذي ..
ملاحظه : لا تفهمو اني قاعده انتقد طريقة حياتكم .. و لكن هو مجرد فضول ... حابه اعرف هل حياتكم بهذي الطريقه مريحه لكم ؟ يمكن لانكم تعودتو عليها و تربيتو عليها بعد .
وشي ثاني انا ما انتقد حجابكم بالعكس احييكم لالتزامكم فيه ، و لا تتوقعو ان حجابي مو اسلامي بل بالعكس ، انا ملتزمه مثلكم انشاءالله و لكن اهمية وهدف الحجاب ان يصون المرأه و هي في طريقها لتحقيق اهدافها على جميع المستويات مو ان يعيقها لا سمح الله .
و هي كلها وجهة نظر....
انتظر ردودكم ..... و رجاء اشبعو فضولي

السلام عليكم .... والله ما اعرف شلون راح فكرش لبعيد يا عزيزتي رعش قلبي .. و الله الشاهد ان ما كان قصدي الي انتي توصلتي اليه .. سويتيني ابغي الفتنه و الفساد الله يسامحك ... انا ما قلت لكم تبرجو و طلعو و مثل ما قلت في الموضوع اني بالعكس اغبطكم على التزامكم بالحجاب . بس يا عزيزتي انا كان كل سؤالي مجرد فضول عن طبيعة حياتكم و بالعكس اعتقد ان موضوع حلو نتناقش فيه كمجموعه يربطنا دين واحد و لغه وحده و نقدر نستفيد من بعض من غير لا سمح الله نخدش الدين بأي طريقه و لا نجرح بعض كذلك و ارد و أأكد و اقول ان الدين و الالتزام و الحجاب و الحياء لا غبار عليه و من غير الممكن احاول ولو محاوله اني امسه بسوء و ما اسمح لأي كان ان يتعرض له و مثل ما قالت بينك ليبس جزاها الله خير ان انا بحاجه اني اتعرف عليكم اكثر علشان تتوضح الامور عندي و هذا كان الهدف الرئيسي من طرح الموضوع من اساس ...
و تقبلي تحياتي والجميع كذلك اتمنى ان ما تفهموني غلط لاني مو قاصده الا كل الخير.

سلام عليكم ..
اختي امونه... اولا اشكرش على مرورش ، و ثانيا انا ما ادري انتو ليش ماخذين الموضوع بحساسيه ، انا ما اطلب منكم توضيح او تبرير لان انا مو جايه اتهم و لا انتقد ولا اهاجم علشان تضطرون تدافعون.... لكل مجتمع اسلوب حياة معين . و هذا مو معناه ان واحد متفوق على الثاني . على سبيل المثال مجتمعنا البحريني في كثير من الاخطاء وفي السلبيات و الايجابيات في جميع مجالات حياتنا و كل واحد له وجهة نظر مختلفه مبنيه على خلفية حياته وعاداته . و اعيد و اقول ان كان ودي نتبادل ثقافاتنا المختلفه في سبيل الاطلاع و تبادل الحوار و الافكار لا غير.

كلام رعش قلبي عين العقل ........... وأنا رأي من رأيها السديد.........